بیماری کی شدت کے پیش نظرتیمم کاحکم

ایک خاتون جن کی ٹانگیں بوجہ ایکسیڈنٹ گزشتہ چند سال سے اُن کا ساتھ دینے سے بالکل قاصر ہیں، تمام وقت وہیل چیئر یا بستر پر ہی گزرتا ہے، نماز کے حوالے سے آپ کی مستند رائے کی خواہاں ہیں کہ وہ دن میں دو مرتبہ ہی وضو کر پاتی ہیں، یعنی فجر اور رات کے وقت، تو کیا وہ بوقتِ نماز عشاء اس ہی دن کی بقیہ ۳ نمازیں ادا کر سکتی ہیں (ظہر، عصر، مغرب) کیونکہ پانچ مرتبہ وضو کے بعد بیٹھے یا لیٹی رہنے کے باعث عوارض میں مبتلا ہوتی ہیں، جیسا کہ Bed sores اور معذوری کے باعث نماز پنچگانہ کی بروقت ادائیگی کی صورت ممکن نہیں ہو پا رہی ہیں۔ براہِ کرم تفصیلاً جواب مرحمت فرما دیں۔

الجوابُ حامِدا ًو مُصلیِّا ً

مذکور خاتون کے لیے اگر ہر دفعہ نماز کے لیے وضو کرنا مشکل ہو اور بار بار وضو کی وجہ سے اس کی بیماری بڑھ جانے کا اندیشہ بھی ہو، تو ایسی صورت میں اُسے چاہیے کہ نماز کے وقت بجائے وضو کرنے کے تیمم کیا کرے، مگر اس بیماری کی وجہ سے نماز قضاء کرنا جائز نہیں، تاہم مذکور خاتون کے لیے اگر بیٹھ کر نماز ادا کرنے میں بھی مشقت ہو تو ایسی صورت میں اسے چاہیے کہ لیٹے لیٹے اشارہ سے نماز ادا کرتی رہا کرے اور جن نمازوں میں وضو کرنا اور بیٹھ کر نماز ادا کرنا مشکل نہ ہو تو ان میں باقاعدہ وضو کر کے بیٹھ کر نماز پڑھے۔

مأخَذُ الفَتوی

ففی الدر المختار: (ومنها القيام) بحيث لو مد يديه لا ينال ركبتيه ومفروضة وواجبة ومسنونة ومندوبة بقدر القراءة فيه، فلو كبر قائما فركع ولم يقف صح لأن ما أتى به القيام إلى أن يبلغ الركوع يكفيه قنية (في فرض) وملحق به كنذر وسنة فجر في الأصح (لقادر عليه) وعلى السجود، فلو قدر عليه دون السجود ندب إيماؤه قاعدا، وكذا من يسيل جرحه لو سجد. وقد يتحتم القعود كمن يسيل جرحه إذا قام أو يسلس بوله أو يبدو ربع عورته أو يضعف عن القراءة أصلا أو عن صوم رمضان، ولو أضعفه عن القيام الخروج لجماعة صلى في بيته قائما به يفتى خلافا للأشباه اھ (1/ 444)
وفی حاشية ابن عابدين: (قوله القادر عليه) فلو عجز عنه حقيقة وهو ظاهر أو حكما كما لو حصل له به ألم شديد أو خاف زيادة المرض وكالمسائل الآتية في قوله وقد يتحتم القعود إلخ فإنه يسقط، وقد يسقط مع القدرة عليه فيما لو عجز عن السجود كما اقتصر عليه الشارح تبعا للبحر. (1/ 445) واللہ أعلم بالصواب!