قرآن سے متعلق احکامات

نزول قرآن کی ترتیب اور جمع قرآن کی وضاحت

فتوی نمبر :
3239
| تاریخ :
قرآن و حدیث / تفسیر و احکام القرآن / قرآن سے متعلق احکامات

نزول قرآن کی ترتیب اور جمع قرآن کی وضاحت

(۱) السلام علیکم! برائے مہربانی مجھے فرض، واجب، اور سنت کے متعلق وضاحت فرمائیں اور اس طرح اس میں ہمیں حکم دیا گیا ہے۔
(۲) موجودہ دور میں قر آن کریم جمع ہوا آیا جس طرح آیت در آیت نازل ہوا تھا؟ مختلف طریقوں پر اور کس نے اس کی تصدیق کی؟

الجوابُ حامِدا ًو مُصلیِّا ً

فرض اس عمل کو کہتے ہیں جو دلیل قطعی سے ثابت ہو اور بغیر عذر اس کو ترک کرنے والا فاسق اور عذاب کا مستحق ہوتا ہے اور اس کا منکر کافر کہلاتا ہے ، جبکہ واجب وہ ہے جو دلیل ظنی سے ثابت ہو اس کا بلا عذر ترک کرنے کرنے والا فاسق اور عذاب کا مستحق ہوتا ہے بشرطیکہ بغیر کسی تاویل اور شبہ کے ترک کر دے، مگر اس کا منکر کافر نہیں کہلاتا اور سنت عمل نبی کریم صلی اللہ علیہ وسلم یا صحابہ کرام کے اقوال و افعال کو کہتے ہیں۔
۲۔ قرآن کریم جس ترتیب سے اس وقت موجود ہے اس ترتیب سے آنحضرت صلی اللہ علیہ وسلم پر نازل نہیں ہوا تھا، بلکہ ہوتا یہ تھا کہ حالات اور ضرورت کے تحت قرآن کریم کا نزول ہوتا تھا کبھی ایک آیت کبھی دو آیتیں اور کبھی پوری پوری سورۃ نازل ہوتی ۔جب ایک آیت یا دو آیتیں نازل ہوتیں تو آپ صلی اللہ علیہ وسلم کاتبینِ وحی کو فرما دیتے کہ اس آیت کو فلان آیت اور فلان سورۃ کے بعد یا پہلے لکھ دیں، چنانچہ حسبِ حکم نبوی کہ وہ آیت اس جگہ لکھ دی جاتی، یہ بھی حکم الہٰی ہی لکھوایا ہے۔ چنانچہ جب نبی کریم صلی اللہ علیہ وسلم اس دنیا سے پردہ فرما گئے، تو حضرت ابو بکر صدیق رضی اللہ عنہ نے قرآن پاک کے منتشر نسخوں کو جمع کرانے کا حکم فرمایا چونکہ حضور ﷺ کے زمانہ میں قرآن پاک کو یکجا کر کے ایک جگہ نہیں لکھوایا گیا تھا، بلکہ مختلف افراد کے پاس مختلف حصے قرآن پاک کے موجود تھے ،چنانچہ ان سب کو ایک جگہ جمع کیا گیا ان کے زمانے میں پس اتنا کام ہوا تھا لیکن حضرت عثمان غنی ؓ کے دور خلافت میں سورتوں کی موجودہ ترتیب اور ایک ہی قرأت میں جمع کرنے کا کام کیا گیا اس لیے موجودہ قرآن کریم مصحفِ عثمانی کہلاتا ہے اور اس ترتیب پر جمع کرنے میں صحابہ کرام میں سے کسی نے بھی اختلاف نہیں کیا، بلکہ سب متفق ہوگئے تھے اور سب نے اس کی تصدیق کی ۔

مأخَذُ الفَتوی

ففي حاشية ابن عابدين (رد المحتار): اعلم أن الفرض ما ثبت بدليل قطعي لا شبهة فيه كالإيمان والأركان الأربعة، وحكمه اللزوم علما: أي حصول العلم القطعي بثبوته وتصديقا بالقلب: أي لزوم اعتقاد حقيته وعملا بالبدن حتى يكفر جاحده ويفسق تاركه بلا عذر. والواجب ما ثبت بدليل فيه شبهة كصدقة الفطر والأضحية، وحكمه اللزوم عملا كالفرض لا علما على اليقين للشبهة، حتى لا يكفر جاحده ويفسق تاركه بلا تأويل اھ (6/ 313)
وفيه أیضا: (قوله: وسننه إلخ) اعلم أن المشروعات أربعة أقسام، فرض وواجب وسنة ونفل، فما كان فعله أولى من تركه مع منع الترك إن ثبت بدليل قطعي ففرض، أو بظني فواجب، وبلا منع الترك إن كان مما واظب عليه الرسول - صلى الله عليه وسلم - أو الخلفاء الراشدون من بعده فسنة، وإلا فمندوب ونفل. (1/ 102)
ففی الإتقان في علوم القرآن: وقال الحاكم في المستدرك جمع القرآن ثلاث مرات: إحداها: بحضرة النبي صلى الله عليه وسلم (إلی قوله) الثانية: بحضرة أبي بكر (إلی قوله) قال الحاكم: والجمع الثالث هو ترتيب السور في زمن عثمان فقال عثمان: كان رسول الله صلى الله عليه وسلم تنزل عليه السور ذوات العدد فكان إذا نزل عليه الشيء دعا بعض من كان يكتب فيقول: ضعوا هؤلاء الآيات في السورة التي يذكر فيها كذا وكذا اھ (1/ 212)
وكذا في مناهل العرفان في علوم القرآن: فقال عثمان رضي الله عنه: كان رسول الله صلى الله عليه وسلم تنزل عليه السور ذوات العدد فكان إذا أنزل عليه شيء دعا بعض من يكتب فيقول: " ضعوا هذه الآيات في السورة التي يذكر فيها كذا وكذا" اھ. (1/ 354) والله اعلم بالصواب

واللہ تعالی اعلم بالصواب
محمد زعیم ظریف عُفی عنه
دار الافتاء جامعه بنوریه عالمیه
فتوی نمبر 3239کی تصدیق کریں
0     84
Related Fatawa متعلقه فتاوی
  • درمیان سورہ توبہ سے تلاوت شروع کرتے ہوئے بسم اللہ پڑھنا

    یونیکوڈ   اسکین   قرآن سے متعلق احکامات 1
  • سورہ فاتحہ کو پیشاب سے لکھنا

    یونیکوڈ   قرآن سے متعلق احکامات 0
  • قرآن کریم میں آیات کی تعداد

    یونیکوڈ   قرآن سے متعلق احکامات 1
  • قرآن کو قطعی الثبوت اور حدیث ظنی الثبوت کیوں کہتے ہیں؟

    یونیکوڈ   قرآن سے متعلق احکامات 0
  • تفسیرِ ماجدی اور تفسیرِ عثمانی پر تبصرہ

    یونیکوڈ   قرآن سے متعلق احکامات 1
  • محکمات ومتشابہات اور حروف مقطعات سے متعلق حکم

    یونیکوڈ   قرآن سے متعلق احکامات 0
  • حدیث سے نصِ قرآنی منسوخ ہو سکتی ہے یا نہیں؟

    یونیکوڈ   قرآن سے متعلق احکامات 0
  • بسم اللہ کی جگہ ’’۷۸۶‘‘ لکھنا

    یونیکوڈ   قرآن سے متعلق احکامات 0
  • قرآن کس طرح تجوید سے پڑھ سکتے ہیں -قلب و نظر کی حفاظت کا طریقہ

    یونیکوڈ   قرآن سے متعلق احکامات 0
  • قرآن کریم کو رومن طرز پر لکھنا اور چھاپنا

    یونیکوڈ   قرآن سے متعلق احکامات 0
  • قرآن کریم میں آیتوں کی تعداد

    یونیکوڈ   قرآن سے متعلق احکامات 0
  • بذاتِ خود علم حاصل کیے بغیر ، الھدی انٹرنیشنل و دیگر ویب سسائٹس سےدرسِ قرآن دینا

    یونیکوڈ   قرآن سے متعلق احکامات 0
  • اللہ کا انکار کرنے کی وجہ سے قتل کرنے کے بارے میں کوئی آیت

    یونیکوڈ   قرآن سے متعلق احکامات 0
  • قرآنِ کریم حفظ کر کے بھول جانا

    یونیکوڈ   قرآن سے متعلق احکامات 1
  • سورۃ فاتحہ سے متعلق چند سوالات

    یونیکوڈ   قرآن سے متعلق احکامات 0
  • ’’ض‘‘ کامخرج اور اس کےپڑھنے سے متعلق متعدد سوالات

    یونیکوڈ   قرآن سے متعلق احکامات 1
  • دورانِ تلاوت عورت کا سر ڈھانپنا

    یونیکوڈ   قرآن سے متعلق احکامات 0
  • تلاوتِ قرآن کے اختتام پر کن کلمات کا کہنا مسنون ہے؟

    یونیکوڈ   قرآن سے متعلق احکامات 0
  • گھر میں لگی آگ کے اندر قرآن کریم اور سورۃ یٰس وغیرہ کا جل جانا

    یونیکوڈ   قرآن سے متعلق احکامات 0
  • کیا زندگی کے تمام مسائل کا حل قرآن میں موجود ہے؟

    یونیکوڈ   قرآن سے متعلق احکامات 0
  • ہندو کو قرآن پڑھانے اور اس کے ہاتھ میں قرآن دینے کا حکم

    یونیکوڈ   قرآن سے متعلق احکامات 0
  • قرآنی آیات اور اسماءِ حسنیٰ کے کتبے گھروں وغیرہ میں بطورِ برکت اور سجاوٹ کے لٹکانا

    یونیکوڈ   قرآن سے متعلق احکامات 1
  • قرآن کریم یاد کرکے بھول جانا

    یونیکوڈ   قرآن سے متعلق احکامات 1
  • قرآنی آیت یا دیگر اذکار کو بطور فون ٹونز استعمال کرنا

    یونیکوڈ   قرآن سے متعلق احکامات 0
  • سورۃ کہف کی آیت نمبر۳۹ ’’لاحول‘‘ کے اضافہ کے ساتھ لکھنا

    یونیکوڈ   قرآن سے متعلق احکامات 0
Related Topics متعلقه موضوعات