قرآن سے متعلق احکامات
بسم اللہ کی جگہ ’’۷۸۶‘‘ لکھنا
فتوی نمبر : 13250
بسم اللہ کی جگہ ’’۷۸۶‘‘ لکھنا
قرآن و حدیث / تفسیر و احکام القرآن / قرآن سے متعلق احکامات
بسم اللہ کی جگہ ’’۷۸۶‘‘ لکھنا
میرا سوال یہ ہے کہ اکثر لوگ ’’بسم اللہ‘‘ کی جگہ عدد ’’786‘‘ لکھتے ہیں کیا یہ صحیح ہے؟ اگر صحیح ہے تو اس کا کیا جواز ہے؟
الجوابُ حامِدا ًو مُصلیِّا ً
واضح ہو کہ ’’بسم اللہ الرحمٰن الرحیم‘‘ کا ثواب تو ’’بسم اللہ‘‘ کہنے یا پڑھنے سے ہی حاصل ہوسکتا ہے نہ کہ ’’786‘‘ لکھنے سے، البتہ مذکور عدد باعتبارِ ابجد ’’بسم اللہ الرحمٰن الرحیم‘‘ کے تمام حروف کے اعداد کا مجموعہ بنتا ہے، اس لیے اسے ’’بسم اللہ‘‘ کا عدد کہا جاتا ہے اور ایک زمانہ سے اسے بزرگوں کے لکھنے کا معمول چلا آرہا ہے، اس عدد کے لکھنے سے صرف اس بات کی طرف اشارہ مقصود ہوتا ہے کہ اس مضمون کے کاتب نے بوقتِ ابتداء ’’بسم اللہ‘‘ پڑھنے کا اہتمام کیا ہے اور بطورِ علامت یہ عدد لکھ دیا گیا ہے، اس لیے اگر کسی جگہ ’’بسم اللہ‘‘ کی توہین کا اندیشہ ہو تو پوری ’’بسم اللہ‘‘ شریف پڑھنے کے بعد بطورِ علامت یہ عدد بھی لکھ سکتے ہیں اور اگر بے ادبی کا اندیشہ نہ ہو تو ’’بسم اللہ‘‘ شریف کا لکھنا ہی بہتر ہےا ور اسی کا رواج واہتمام چاہیے۔ واللہ اعلم بالصواب!
محمد اویس شریف عُفی عنه
دار الافتاء جامعه بنوریه عالمیه
فتوی نمبر 13250کی تصدیق کریں
Related Fatawa متعلقه فتاوی
Related Topics متعلقه موضوعات
-
42آیات کی تفسیر و تشریحTafseer Quran Kareem
-
33قرآن سے متعلق احکاماتRules for Quran Kareem