مفتی صاحب حدیث کا مفہوم سمجھائیں '' مرنے والا اور مارنے والا دونوں جہنمی ہیں '' آج کل جو بے گناہ مررہے ہیں، کیا وہ بھی جہنمی ہوئے یا کچھ اور مطلب ہے؟
واضح ہو کہ سوال میں ذکر کردہ جملہ '' مرنے والا اور مارنے والا دونوں جہنمی ہیں '' حدیث کا ایک ٹکڑا ہے ۔جبکہ مکمل حدیث کا مفہوم یہ ہے کہ ''جب دو مسلمان ایک دوسرے کے خلاف مارنے کیلیے تلوار اٹھالیں تو ان میں مارنے والا اور مرنے والا دونوں جہنمی ہونگے ۔پوچھاگیا اے اللہ کے رسولؐ !قاتل کے بارے میں تو یہ بات سمجھ میں آتی ہے، پر مقتول کے ساتھ یہ معاملہ کیوں؟ تو فرمایا:کیونکہ اس نے بھی دوسرے کو قتل کرنے کا ارادہ کر لیا تھا ۔ [اگر وہ اسے نہ مارتا تو یہ اسے ماردیتا ]۔
جہاں تک آج کل کے بے گناہ مرنے والوں کا تعلق ہے تو وہ اس حدیث کے تحت داخل نہیں ۔
فی صحيح مسلم: عن الأحنف بن قيس قال * خرجت وأنا أريد هذا الرجل فلقيني أبو بكرة فقال أين تريد يا أحنف قال قلت أريد بن عم رسول الله صلى الله عليه وسلم يعني عليا قال فقال لي يا أحنف نصر ارجع فإني سمعت رسول الله صلى الله عليه وسلم يقول إذا تواجه المسلمان بسيفيهما فالقاتل والمقتول في النار قال فقلت أو قيل يا رسول الله هذا القاتل فما بال المقتول قال إنه قد أراد قتل صاحبه اھـ (4 / 2213) واللہ أعلم بالصواب
فیس استعمال کرنا اور ’’اللہ بندے کے ساتھ اس کے گمان کے مطابق معاملہ کرتا ہے‘‘ روایت کا مطلب
یونیکوڈ حدیث کے معانی و مطالب 0’’صحابی کی مٹھی بھر خیرات ، غیر صحابی کی احد پہاڑ کے برابر خیرات سے بہتر ہے‘‘ کا مطلب
یونیکوڈ حدیث کے معانی و مطالب 0مسلمان کے جھوٹے سے متعلق حدیث اور جدید تحقیق کے درمیان ظاہری تعارض اور اس کی تطبیق
یونیکوڈ حدیث کے معانی و مطالب 0