’’ القرآن اکیڈمی‘‘ میں تفسیر پڑھنا

میں کسی اسلامی تنظیم میں شمولیت نہیں کر رہی ہوں،لیکن میں دس(10) ماہ کا کورس (قرآنِ فہمی )کرنا چاہتی ہوں القرآن اکیڈمی سے۔میری ایک تین سالہ بیٹی ہے (جو اسکول میں پڑھتی ہے )اور ایک دوسالہ لڑکا ہے ۔ میں آسانی کیساتھ اکیڈمی میں داخلہ لے سکتاہوں،کیونکہ اس کا وقت بھی وہی ہے جو میری بیٹی کے سکول کا وقت ہے۔ القرآن اکیڈمی والےمولانا مودودی،مولاناتقی عثمانی ،مولانا شفیعؒ صاحب کی تفسیر پڑھاتے ہیں۔جبکہ میں صرف مولانا تقی عثمانی اور مفتی شفیعؒ کی تفسیر پڑھنا چاہتی ہوں۔آپ مجھے بتائیں کہ کیا میں اس اکیڈمی میں داخلہ لے سکتی ہوں ؟(جبکہ اس میں مولانا مودودی صاحب کی بھی تفسیر پڑھائی جاتی ہے )۔

الجوابُ حامِدا ًو مُصلیِّا ً

سائلہ مذکور اکیڈمی میں ’’تفسیر معارف القرآن‘‘ کے درس میں اگر چہ شرکت کر سکتی ہے ۔ مگر دیگر علوم جو تفسیر قرآن کریم سمجھنے کے لیے ضروری ہیں، ان کا علم نہ رکھنے کی وجہ سے بجائے فائدہ حاصل کرنے کے نقصان کا اندیشہ شدید ہے،جبکہ پڑھانے والے بھی معتمد و مستند عالم دین نہ ہوں،جیسا کہ عموماً ایسی اکیڈمیوں میں ہوتا ہے۔ اس لیے سائلہ کو چاہیے کہ وہ اپنے محلہ یا قریب کے محلے میں جہاں تبلیغی جماعت سے منسلک ہفتہ وار ی بیان وغیرہ ہوتاہو،محرم کی معیت میں وہاں جانے کا اہتمام کرے۔ان شاءاللہ یہ اس کے حق میں زیادہ مفید اور بہتر رہے گا۔

مأخَذُ الفَتوی

ففی صحيح البخاری: حدثنا آدم قال حدثنا شعبة قال حدثني ابن الأصبهاني قال سمعت أبا صالح ذكوان يحدث عن أبي سعيد الخدري قالت النساء للنبي ? غلبنا عليك الرجال فاجعل لنا يوما من نفسك فوعدهن يوما لقيهن فيه فوعظهن وأمرهن الخ- (1 / 59)
وفی مشكاة المصابيح: وعن أبي هريرة – رضی اللہ تعالیٰ عنہ - أن رسول الله - صلى الله عليه وسلم - قال: «من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا» . رواه مسلم(1/ 56)
وفی مشكاة المصابيح: وعن أبي ذر– رضی اللہ تعالیٰ عنہ - قال : قال رسول الله - صلى الله عليه وسلم- : " من فارق الجماعة شبرا فقد خلع رقة الإسلام من عنقه " . رواه أحمد وأبو داود- (1 / 40) واللہ أعلم بالصواب!