جناب!
میں نے سنا ہے کہ کسی چیز کو فروخت کرنے کے لیے دو شرطیں ہیں:
1. فروخت کرنے والا اس مال کا مالک ہو۔
2. مال اس کے یا اس کے نمائندے کے قبضے میں ہو۔
میرا سوال آن لائن تجارت کے بارے میں ہے۔ میرا ہول سیلر سے براہِ راست رابطہ ہے۔ میں ہول سیلر کی دکان پر جا کر اس کی اصل (Original) پروڈکٹ کی تصاویر لیتا ہوں یا اس سے حاصل کرتا ہوں اور وہی تصاویر آن لائن پلیٹ فارم (Amazon، eBay وغیرہ) پر اپلوڈ کر دیتا ہوں، جبکہ مال میرے قبضے یا ملکیت میں نہیں ہوتا۔
پہلی صورت: میں گاہک سے 80 روپے ایڈوانس وصول کر لیتا ہوں اور اسے واضح کر دیتا ہوں کہ یہ پروڈکٹ مجھے ہول سیلر سے 50 روپے کی ملے گی، 30 روپے میرے سروس چارجز ہیں، لہٰذا یہ پروڈکٹ آپ کو 80 روپے کی پڑ جائے گی۔ پھر میں ہول سیلر سے چیز خرید کر گاہک کو فراہم کر دیتا ہوں۔ اس صورت میں میری نیت اور معاملہ بطور سروس ہوتا ہے، منافع کے طور پر نہیں۔ کیا اس طرح سروس چارجز لینا جائز ہے؟ اور کیا سروس فیس کی کوئی شرعی حد ہے یا باہمی رضامندی کافی ہے؟
دوسری صورت: میں گاہک سے 100 روپے ایڈوانس وصول کر لیتا ہوں اور اسے یہ کہہ دیتا ہوں کہ یہ پروڈکٹ آپ کو 100 روپے میں پڑ جائے گی۔
صورتِ مسئولہ میں اگر سائل گاہک کی طرف سے بطورِ وکیل سامان خرید کر فراہم کرتاہو اور اس پر متعین سروس فیس وصول کرتاہو ، تو یہ معاملہ شرعاً جائز ہے، اور باہمی رضامندی سے طے شدہ سروس فیس لینا جائز ہے،جس کی شرعاًکوئی حدمقررنہیں ۔ البتہ ا ایسی چیز کو اپنے نام سے فروخت کرناجو بیچتےوقت سائل کی ملکیت اورقبضہ میں نہ ہو ، بعد میں خرید کر گاہک کو فراہم کی جاتی ہو، تو یہ جائز نہیں۔جس سے احترازلازم ہے۔
كمافي «صحيح مسلم» : عن ابن عباس أن رسول الله صلى الله عليه وسلم قال: « من ابتاع طعاما، فلا يبعه حتى يستوفيه» قال ابن عباس: وأحسب كل شيء مثله .(5/ 7ط تركيه)
وفي «تبيين الحقائق شرح كنز الدقائق وحاشية الشلبي» : قال رحمه الله (لا بيع المنقول) أي لا يجوز بيع المنقول قبل القبض لما روينا ولقوله عليه الصلاة والسلام «إذا ابتعت طعاما فلا تبعه حتى تستوفيه» رواه مسلم وأحمد ولأن فيه غرر انفساخ العقد على اعتبار الهلاك قبل القبض؛ لأنه إذا هلك المبيع قبل القبض ينفسخ العقد فيتبين أنه باع ما لا يملك والغرر حرام لما روينا(4/ 80)
وفي «حاشية ابن عابدين = رد المحتار - ط الحلبي» : قال في التتارخانية: وفي الدلال والسمسار يجب أجر المثل، وما تواضعوا عليه أن في كل عشرة دنانير كذا فذاك حرام عليهم. وفي الحاوي: سئل محمد بن سلمة عن أجرة السمسار، فقال: أرجو أنه لا بأس به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه كدخول الحمام(6/ 63)
رکشہ کمپنی والے کو ایڈوانس پیمنٹ دے کر ڈسکاؤنٹ حاصل کرنا- پلاٹوں کی تعیین اور فائلوں سے قبل ایڈوانس پیمنٹ دینے کی صورت میں قیمت میں رعایت کرنا
یونیکوڈ خرید و فروخت 1