کسی نے کوئی چیز خرید کر لانے کے لئے کہا تو اس میں اپنا منافع رکھنا جائز ہے ؟

گنے کا ریٹ 100 روپے ہے اگر آپ کو کوئی گاہک فون کر کے کہے کہ میرے لئے گنا خرید کر لائیں تو آپ وہ گنا ۹۰ روپے میں خرید کر اس کو 100 روپے میں دے سکتے ہیں یا 110 روپے میں ؟ اور گاہک یہی سمجھتا ہے کہ اس نے جتنے کا خریدا ہے اتنے کا مجھے دے رہا ہے ۔
نوٹ : گاہک کے لئے گنا خریدتے ہوئے ہمارا کام بھی متاثر ہوتا ہے ؟ تو کیا یہ کمیشن ہمارے لئے جائز ہے یا نہیں؟

الجوابُ حامِدا ًو مُصلیِّا ً

صورت مسئولہ میں مذکور شخص کا کسی کے لئے بطور وکیل ( ایجنٹ) ۹۰ روپیہ کا گنا خرید کر اس کے علم میں لائے بغیر اسے 00 1یا 110 کا ظاہر کر کے اس کو دینا جھوٹ اور دھوکہ دہی پر مبنی عمل ہے ، جس سے احتراز لازم ہے ، البتہ اگر گاہک مذکور شخص کو اس کے اس عمل پر اجرت مقرر کر کے دیدے تو یہ شرعاً جائز اور درست ہے۔

مأخَذُ الفَتوی

ففي مشكاة المصابيح: عنه أن رسول الله صلى الله عليه وسلم مر على صبرة طعام فأدخل يده فيها فنالت أصابعه بللا فقال: «ما هذا يا صاحب الطعام؟» قال: أصابته السماء يا رسول الله قال: «أفلا جعلته فوق الطعام حتى يراه الناس؟ من غش فليس مني» . رواه مسلم اھ (2/ 865)
كما في حاشية ابن عابدين (رد المحتار): قال في التتارخانية: و في الدلال والسمسار يجب أجر المثل، وما تواضعوا عليه أن في كل عشرة دنانير كذا فذاك حرام عليهم. (6/ 63)
و في شرح المجلة : لو اعطى احد ماله لدلال وقال بعه بكذا دراهم فان باعه الدلال بازيد من ذلك فالفضل ايضاً لصاحب المال وليس للدلال سوى الاجرة ، لو اعطى احد مالاً للدلال ، وقال بعه اليوم بكذا قرشاً فان باعه الدلال بازيد من ذلك فالفضل ايضاً لصاحب المال اھ (۱/ ٦٦٢)