اسٹیٹ ایجنسی کے کاروبار کا شرعی طریقہ کار

السلام علیکم
سلام کے بعد عرض ہے کہ میں پراپرٹی کا کام کرنا چاہتا ہوں ، لہذا مجھے شرعی دائرے میں کچھ نکات تیار کر کے دیدیں کہ میں ان کو اپنے آفس میں لگاؤں ، مکان خرید نے اور بیچنے والو سے کہوں کہ اگر ان نکات پر اپنا مکان خرید نا یا بیچنا چاہتے ہو تو میں اپنی کوشش کر لوں گا۔

الجوابُ حامِدا ًو مُصلیِّا ً

واضح ہو کہ جس طرح مالی سرمایہ لگا کر کار و بار کرنا جائز ہے، اسی طرح کسی جائز کام میں اپنی سروسز (خدمات) فراہم کر کے اس پر اجرت لینا بھی جائز ہے، لہذا اسٹیٹ ایجنسی (یعنی جائیداد و زمین کی خرید وفروخت) کا کام کرنا جائز ہے، اور اس پر کمیشن (اجرت) لینا درج ذیل شرائط کے ساتھ جائز ہے :
۱۔ جس کام کے عوض کمیشن لیا جار ہا ہو ، وہ کام فی نفسہ جائز ہو۔
۲۔ وہ کام بھی متعین ہو۔
۳۔ ایجنٹ پراپرٹی کی خرید و فروخت واقعۃً فراہم کرے۔
۴۔ جس معاملہ میں کمیشن لیا جار ہا ہو، اس میں اسٹیٹ ایجنٹ کی حیثیت محض بروکر کی ہو ، خریدار یا فروخت کنندہ کی نہ ہو۔
۵۔ کمیشن (اجرت) جانبین کے درمیان باہمی رضامندی کے ساتھ ، بلا کسی ابہام کے پہلے سے طے ہونی چاہئیے (خواہ وہ متعین مقدار کی صورت میں ہو یا کل مالیت کے فیصدی تناسب کی صورت میں)۔
۶۔ متعاقدین کے درمیان ڈیل فائنل نہ ہونے کی صورت میں بیعانہ کی رقم مالک کو واپس دیدی جائے۔
۷۔ اور اگر خرید و فروخت کا معاملہ ادھار پر ہو تو کسی قسط کی تاخیر کی صورت میں مالی جرمانہ عائد نہ کیا جائے۔
۸۔ پلاٹوں کی خرید و فروخت کی صورت میں صرف فائل کی خرید و فروخت نہ ہو، بلکہ سوسائٹی وغیرہ کی جگہ اور پلاٹ کی پیمائش کا تعین بھی ضروری ہے۔
مذکورہ بالا شرائط کا لحاظ کرتے ہوئے " اسٹیٹ ایجنسی " کا کاروبار کرنا جائز ہے۔

مأخَذُ الفَتوی

كما في حاشية ابن عابدين (رد المحتار): قال في البزازية: إجارة السمسار والمنادي والحمامي والصكاك وما لا يقدر فيه الوقت ولا العمل تجوز لما كان للناس به حاجة ويطيب الأجر المأخوذ لو قدر أجر المثل اھ (6/ 47)
وفيه أیضا: قال في التتارخانية: و في الدلال والسمسار يجب أجر المثل، وما تواضعوا عليه أن في كل عشرة دنانير كذا فذاك حرام عليهم. و في الحاوي: سئل محمد بن سلمة عن أجرة السمسار، فقال: أرجو أنه لا بأس به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه (6/ 63)
و في الفتاوى الهندية: و في الدلال والسمسار يجب أجر المثل وما تواضعوا عليه أن من كل عشرة دنانير كذا فذلك حرام عليهم كذا في الذخيرة اھ (4/ 450)
و في المبسوط للسرخسي: والسمسار اسم لمن يعمل للغير بالأجر بيعا وشراء ومقصوده من إيراد الحديث بيان جواز ذلك ولهذا بين في الباب طريق الجواز اھ (15/ 209)