مالک کا زمین فروخت کرنے کے بعد انکار کرنا

فروخت کنندہ کے گھر کے ساتھ منسلک 5 مرلہ کا پلاٹ مبلغ 68 لاکھ میں فروخت کیا اور ایڈوانس کا اشٹام پیپر ہوگیا، لیکن ابھی رجسٹری، انتقال اور قبضہ حوالے کرنا باقی تھا۔ اب فروخت کنندہ پلاٹ اپنے گھر کے ساتھ منسلک ہونے کی وجہ سے اپنے پاس ہی رکھنا چاہتا ہے۔ فروخت نہیں کرنا چاہتا۔ اور خرید کنندہ بھی پلاٹ لینا چاہتا ہے۔اب اس معاملے میں شرعی کیا حکم ہے۔؟

الجوابُ حامِدا ًو مُصلیِّا ً

صورت مسئولہ میں فریقین کے درمیان خرید و فروخت كا معاملہ باقاعدہ مکمل ہو چکا ہو، جس کے نتیجہ میں خریدار نے ایڈوانس پیمنٹ بھی فروخت کنندہ کو حوالہ کر دی ہو، تو فروخت کرنے والے کے لیے یکطرفہ طور پر بغیر خریدار کی رضا مندی کے یہ معاملہ ختم کرنا درست نہیں، بلکہ خریدار کی جانب سے مطالبہ اور خریداری کی شرائط پوری کرنے کے بعد یہ جگہ اسے حوالہ کرنا لازم ہوگا، البتہ اگر خریدار اس معاملہ کو فسخ کرنے پر راضی ہو جائے، تو یہ معاملہ اضافى رقم لئے بغیر ختم کیا جا سکتا ہے، اور اگر فروخت کنندہ کی کچھ واقعی ضرورت اور عذر ہو، تو خریدار کو بھی چاہیے کہ وہ اس معاملہ کو ختم کر دیں، تاکہ بعد میں یہ معاملہ کسی نزاع کا سبب نہ بنے، نیز ایسا کرنا باعث اجر و ثواب بھی ہے۔

مأخَذُ الفَتوی

كما في الدر المختار: وحكمه ثبوت الملك.إلخ
وفي رد المحتار: (قوله: وحكمه ثبوت الملك) أي في البدلين لكل منهما في بدل، وهذا حكمه الأصلي، والتابع وجوب تسليم المبيع والثمن.اهـ (كتاب البيع، ج: 4، ص: 506، ط: إيج إيم سعيد)
وفي الدر أيضا: (وإذا وجدا لزم البيع) بلا خيار إلا لعيب أو رؤية.اهـ (كتاب البيع، ج: 4، ص: 528، ط: إيج إيم سعيد)
وفيه أيضا: وما لا نهي فيه ثلاثة أيضا: نافذ لازم (إلى قوله) فالأول ما كان مشروعا بأصله ووصفه ولم يتعلق به حق الغير ولا خيار فيه.اهـ (باب البيع الفاسد، ج: 5، ص: 50، ط: إيج إيم سعيد)
وفي الدر المختار: الإقالة هي لغة: الرفع من أقال أجوف يائي، وشرعا (رفع البيع) (إلى قوله) (ويصح بلفظين ماضيين و) هذا ركنها (أوأحدهما مستقبل) كأقلني فقال أقلتك لعدم المساومة فيها.اهـ (باب الإقالة، ج: 5، ص: 119-120، ط: إيج إيم سعيد)
وفي رد المحتار: (قوله: للحديث) هو قوله صلى الله عليه وسلم «من أقال مسلما بيعته أقال الله عثرته» أخرجه أبو داود وزاد ابن ماجه " يوم القيامة " ورواه ابن حبان في صحيحه والحاكم وقال على شرط الشيخين وعند البيهقي «من أقال نادما» فتح.اهـ (باب الإقالة، ج: 5، ص: 124، ط: إيج إيم سعيد)