کاروبار میں معاہدے کی خلاف ورزی کرنا

ہم نے اپنا سامان پیرو میں ایک گاہک کو بل آف لیڈنگ (شپنگ بل) سے 120 دنوں کے بعد ادائیگی کے لئے ادھار پر بیچ دیا تھا ، کسٹمر کا نام سہیل احمد ہے ، USD 133,433.34 کی قیمت کا سامان 24 ستمبر 2022 کو شپنگ بل کے مطابق بھیج دیا گئا تھا اور 22 جنوری 2023 کو معاہدے کے مطابق رقم واجب الادا ہے لیکن کسٹمر اس معاہدہ کے مطابق ادائیگی نہیں کر رہا، کیونکہ وہ پورا سامان بیچ نہیں پارہا اس وجہ سے اس نے کچھ رقم کی ادائیگی کی. اس وقت ہمارے پاس ابھی بھی قابل وصول USD 86,733/- ہے ، محمد سہیل صاحب ہمیشہ یہ بات ظاہر کرتا ہے کہ الحمد للہ وہ ایک سچے مسلمان ہیں لیکن وہ وعدہ کی پاسداری نہیں کر رہے ، کیا اس حوالے سے ہمیں سہیل صاحب کو دکھانے کے لئے آپ کوئی فتویٰ دے سکتے ہیں؟

الجوابُ حامِدا ًو مُصلیِّا ً

سوال میں ذکر کردہ وضاحت کے مطابق سائل نے مسمی محمد سہیل پر مذکور سامان ( 120 )دن کے ادھار پر فروخت کیا تھا اور مذکور مدت پوری ہونے پر مسمی محمد سہیل نے اب تک مکمل ثمن ( قیمت ) ادا نہ کی ہو تو اس کا یہ عمل شرعاً درست نہیں ، اس پر لازم ہے کہ بائع کو اس کی بقیہ رقم جلد از جلد ادا کرنے کی فکر کرے ، بلا وجہ اس میں ٹال مٹول سے کام لینا شرعاً جائز نہیں بلکہ گناہ ہے ، جس سے بہر صورت احتراز لازم ہے ۔

مأخَذُ الفَتوی

قال اللہ تعالی: يَآ اَيُّـهَا الَّـذِيْنَ اٰمَنُـوٓا اَوْفُوْا بِالْعُقُوْدِ ۚ اُحِلَّتْ لَكُمْ بَـهِيْمَةُ الْاَنْعَامِ اِلَّا مَا يُتْلٰى عَلَيْكُمْ غَيْـرَ مُحِـلِّى الصَّيْدِ وَاَنْتُـمْ حُرُمٌ ۗ اِنَّ اللّـٰهَ يَحْكُمُ مَا يُرِيْدُ الآیۃ(المائدہ۔آیۃ 1 )
وفی الجامع بین الصحیحین: عن ابی ھریرۃ عن النبیﷺقال:آیۃ المنافق ثلاث: اذا حدث کذب واذا وعد اخلف واذا ائتمن خان الخ (باب ۔المنافقون و صفاتھم۔ ج 1 ص 72)۔