میں نے ابھی اپنا نیا کام شروع کیا ہے موبائل مارکیٹ میں موبائل کا، مجھے یہ پوچھنا ہے کہ یہ کام صحیح ہے یا نہیں ؟کیونکہ اس میں ہم کسٹمرز سے کم ریٹ میں لے کر مہنگے داموں بیچتے ہیں، اور کبھی اگر کسٹمرز کم پیسے دیں، تو اسے جھوٹ بھی کہنا پڑتا ہے کہ بھائی اتنے میں ہم نے خریدا بھی نہیں ہے، لیکن حضرت ہمارے اخراجات بھی مارکیٹ میں کافی ہوتے ہیں، تو اس حوالے سے ہماری مدد فرمائیں۔
واضح ہو کہ کا روبار میں کوئی چیز کم پیسوں سے خرید کر زیادہ قیمت پر بیچ کر منافع لینا شرعاً جائز ہے، اور خریدنے والے کو چیز کی اصلی قیمت بتانا بھی ضروری نہیں، مگر گاہک کو غلط قیمت بتا کر کوئی چیز بیچنا جھوٹ اور دھوکہ کی بناء پر نا جائز اور گناہ ہے ، جس سے احتراز لازم ہے۔
قال الله تعالى :- { وَأَحَلَّ اللَّهُ الْبَيْعَ وَحَرَّمَ الرِّبَا } [البقرة: 275]۔
و في الدر المختار: (المرابحة) مصدر رابح وشرعا (بيع ما ملكه) من العروض ولو بهبة أو إرث أو وصية أو غصب فإنه إذا ثمنه (بما قام عليه وبفضل) (5/ 132) ۔
رکشہ کمپنی والے کو ایڈوانس پیمنٹ دے کر ڈسکاؤنٹ حاصل کرنا- پلاٹوں کی تعیین اور فائلوں سے قبل ایڈوانس پیمنٹ دینے کی صورت میں قیمت میں رعایت کرنا
یونیکوڈ خرید و فروخت 1