طلاق معلقہ

انسٹا گرام پر ویڈیو ڈالنے پر معلق کی ہوئی طلاق کا حکم

فتوی نمبر :
99681
| تاریخ :
2026-09-23
معاملات / احکام طلاق / طلاق معلقہ

انسٹا گرام پر ویڈیو ڈالنے پر معلق کی ہوئی طلاق کا حکم

ایک آدمی نے اپنی بیوی کے انسٹاگرام کی آئی ڈی سے چند ویڈیوز ڈلیٹ کردیں ،پھر ان دونوں کی آپس میں بحث ہوگئی،تو شوہر نے میسج پر کہا کہ آپ نے ویڈیو ایک بھی ڈالی ان ویڈیوز کے بعد ،تو ایک طلاق ہے آپکو،بیوی نے میسج پر ہی کہا کہ 10منٹ کے بعد اکاؤنٹ چیک کرنا ،کیونکہ بیوی نے ویڈیو اپلوڈ کردی تھی،پھر شوہر نے کہا کہ دوسری ڈالو،تو دوسری طلاق ہوگی، بیوی نے دوسری بھی اپلوڈ کردی،پھر تیسری ویڈیو ڈالی ،تو تیسری طلاق ہوگی،تو بیوی نے تیسری ویڈیو بھی ڈال دی ،(یہ میسجز تحریراًبھی موجود ہیں )،اب شوہر کہہ رہا ہے کہ میں نے جو ویڈیوز ڈلیٹ کردی تھی،ان کے علاوہ ویڈیوز ڈالنے سے منع کیا تھا،اور ان کی بیوی نے انہیں ڈلیٹ شدہ ویڈیوز میں سے تین ویڈیوز انسٹاگرام پر اپلوڈ کی ہیں ، جبکہ میسج میں ایسی کوئی بات نہیں ، جس کا شوہر دعوی کررہا ہے،توایسی صورت میں کیا حکم ہوگا؟

الجوابُ حامِدا ًو مُصلیِّا ً

واضح ہوکہ طلاق کو جب کسی شرط کےساتھ معلق کردیا جائے،تواس شرط کے پائے جانے کے ساتھ ہی طلاق واقع ہوجاتی ہے،لہذا صورتِ مسؤلہ میں مذکور شخص نےجب اپنی بیو ی کے انسٹا گرام کی آئی ڈی سے ویڈیوز ڈلیٹ کرنے کےبعد آپس کے بحث مباحثے کے دوران مذکور الفاظ "آپ نے ویڈیو ایک بھی ڈالی ان ویڈیوز کے بعد ،تو ایک طلاق ہے آپکو " دوسری ڈالو،تو دوسری طلاق ہوگی، تیسری ویڈیو ڈالی ،تو تیسری طلاق ہوگی "کہہ دیے ،تو اس سے تینوں مرتبہ ایک ایک طلاق معلق ہوچکی تھی ، چنانچہ بیوی نے یکے بعد دیگرے جب تین ویڈیوز اپلوڈ کردیں ،تو اس سے اس کی بیوی پر معلق تینوں طلاقیں واقع ہو کر حرمتِ مغلظہ ثابت ہوگئی،جبکہ شوہر کا یہ دعویٰ کہ اس کی نیت صرف پہلے سے ڈلیٹ کی گئی ویڈیوز کے علاوہ نئی ویڈیوز اپلوڈ کرنے سے منع کرنے کی تھی، حالانکہ مذکورہ تحریری پیغامات میں اس کا کوئی ذکر بھی موجود نہیں، خلاف ظاہر ہونے کی وجہ سے شرعاً معتبر نہیں ،لہذا اب رجوع نہیں ہوسکتا ، اور نہ ہی بغیر حلالۂ شرعیہ کےدوبارہ باہم عقدِ نکاح ہو سکے گا، چنانچہ دونوں پر لازم ہے کہ فوراً ایک دوسرے سے علیحدگی اختیار کرلیں ،اور میاں بیوی والے تعلقات ہرگز قائم نہ کریں ،ورنہ دونوں سخت گناہ گار ہوں گے ، جب کہ عورت ایامِ عدت کے بعد اپنی مرضی سے کسی دوسری جگہ نکاح کرنے میں بھی آزاد ہو گی ۔

مأخَذُ الفَتوی

کمافي الدر المختار: (وتنحل) اليمين (بعد) وجود (الشرط مطلقا) لكن إن وجد في الملك طلقت وعتق وإلا لا، فحيلة من علق الثلاث بدخول الدار أن يطلقها واحدة ثم بعد العدة تدخلها فتنحل اليمين فينكحها اھ(ج:3/ص:355:ط/ دار الفكر-بيروت)
وفی الھندیۃ: وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذا في الهداية ولا فرق في ذلك بين كون المطلقة مدخولا بها أو غير مدخول بها كذا في فتح القدير ويشترط أن يكون الإيلاج موجبا للغسل وهو التقاء الختانين هكذا في العيني شرح الكنز الخ (ج:1/ص: 473/ط:الناشر: دار الفكر)۔
وفی العناية شرح الهداية :( فصل في إضافة الطلاق إلى الزمان ) ( ولو قال : أنت طالق غدا وقع عليها الطلاق بطلوع الفجر ) لأنه وصفها بالطلاق في جميع الغد وذلك بوقوعه في أول جزء منه .ولو نوى به آخر النهار صدق ديانة لا قضاء لأنه نوى التخصيص في العموم ، وهو يحتمله لكنه مخالف للظاهر ( ولو قال : أنت طالق اليوم غدا أو غدا اليوم يؤخذ بأول الوقتين الذي تفوه به ) فيقع في الأول في اليوم وفي الثاني في الغد ، لأنه لما قال : اليوم كان تنجيزا والمنجز لا يحتمل الإضافة ، وإذا قال : غدا كان إضافة والمضاف لا يتنجز لما فيه من إبطال الإضافة فلغا اللفظ الثاني في الفصلين .اھ(ج:5/ص: 221:بهامش فتح القدير ط:الحلبي)۔
وفیھا ایضاً: وقوله نوى التخصيص في العموم وهو ) أي العموم ( يحتمل التخصيص ) فكان من محتملات كلامه ونية المحتمل صحيحة فيصدق ديانة ( لكنه مخالف للظاهر ) لأن الغد اسم لجميع أجزاء النهار فلا يصدق قضاء ولقائل أن يقول العام ما يتناول أفرادا متفقة الحدود ولفظ الغد ليس كذلك ، وما يتوهم فيه من الأول والوسط والآخر فهو من أجزائه لا من أفراده ، وحينئذ لا يكون نية آخر النهار تخصيصا فلا عموم ولا تخصيص .والجواب أن المراد به الحقيقة والمجاز فإن إطلاق لفظ الكل وإرادة الجزء مجاز لا محالة ( ولو قال أنت طالق اليوم غدا ) ظاهر اھ (ج:5/ص: 225:بهامش فتح القدير ط:الحلبي)۔
وفی بدائع الصنائع:"فصل":وأما حكم هذه اليمين فحكمها واحد وهو وقوع الطلاق أو العتاق المعلق عند وجود الشرط فتبين أن حكم هذه اليمين وقوع الطلاق والعتاق المعلق بالشرط, ثم نبين أعيان الشروط التي تعلق بها الطلاق والعتاق على التفصيل, ومعنى كل واحد منهما حتى إذا وجد ذلك المعنى يوجد الشرط فيقع الطلاق والعتاق وإلا فلا, أما الأول فلأن اليمين بالطلاق والعتاق هو تعليق الطلاق والعتاق بالشرط ومعنى تعليقهما بالشرط وهو إيقاع الطلاق والعتاق في زمان ما بعد الشرط لا يعقل له معنى آخر, فإذا وجد ركن الإيقاع مع شرائطه لا بد من الوقوع عند الشرط.اھ (ج:7:ص:85/ط: دار الكتب العلمية - بيروت - لبنان)۔

واللہ تعالی اعلم بالصواب
حماد منظور عُفی عنه
دار الافتاء جامعه بنوریه عالمیه
فتوی نمبر 99681کی تصدیق کریں
Related Fatawa متعلقه فتاوی
  • طلاق معلق سے بچنے کے طریقے کا سوال اور اس کا جواب

    یونیکوڈ   طلاق معلقہ 0
  • شادی سے قبل طلاق معلق کرنے کے بعد طلاق کب واقع ہوگی؟

    یونیکوڈ   طلاق معلقہ 1
  • اگر بیوی خط پڑہے تو اسکو طلاق

    یونیکوڈ   طلاق معلقہ 0
  • "اگر میں نے فلاں عورت سے شادی کی تو تین طلاق"کے الفاظ کہنے کاکیا حکم ہوگا؟

    یونیکوڈ   طلاق معلقہ 0
  • ’’اگر میری بیوی دو دن کے اندر نہیں آئی تو وہ میری بیوی نہیں ہوگی‘‘ کہنے سے طلاق کا حکم

    یونیکوڈ   طلاق معلقہ 0
  • طلاق ثلاثہ کوماں ،باپ،بہن،بھائیوں سے بات چیت پرمعلق کرنا

    یونیکوڈ   طلاق معلقہ 1
  • ’’اگر میں نے اپنی بیوی کو والد صاحب کے ساتھ ایک گھر میں بٹھایا تو وہ مجھ پر طلاق ہو گی‘‘ سے تعلیق طلاق کا حکم

    یونیکوڈ   طلاق معلقہ 0
  • طلاق معلق کرکے تعلیق سے رجوع کرنا

    یونیکوڈ   طلاق معلقہ 1
  • اگر تو گھر سے نکلی تو تو مجھ طلاق , کہنےکا حکم

    یونیکوڈ   طلاق معلقہ 0
  • اگر کوئی اپنے بیٹے سے کہدے کہ "اگر میں نے تیرے لئے شادی کی تو بیوی کو طلاق "اس صورت میں بیٹے کی شادی کی کیا ترتیب ہوسکتی ہے ؟

    یونیکوڈ   طلاق معلقہ 0
  • بیوی کو ـ تو ں میرے گھر رہی تو تجھے تین طلاق کہنے سے طلاق کا حکم

    یونیکوڈ   طلاق معلقہ 0
  • رخصتی سے قبل معلق طلاق کی ایک صورت

    یونیکوڈ   طلاق معلقہ 0
  • تین معلق طلاقوں کے وقوع سے بچنے کا طریقہ

    یونیکوڈ   طلاق معلقہ 1
  • "اگر ماں باپ کے گھر گئی تو میری طرف سے فارغ ہو"سے طلاق واقع ہوگی؟

    یونیکوڈ   طلاق معلقہ 0
  • "اگر میری اجازت کے بغیر گھر سے باہر گئی تو طلاق سمجھو "کہنے کا حکم

    یونیکوڈ   طلاق معلقہ 0
  • سمجھ لو میں نے تمہیں اپنے نکاح سے نکال دیاہے کہنےکا حکم

    یونیکوڈ   طلاق معلقہ 0
  • معلق طلاق کی صورت میں جب ایک دفعہ شرط پائے جانے کی وجہ سے طلاق ہو جائے تو دوبارہ طلاق واقع نہ ہونا

    یونیکوڈ   طلاق معلقہ 0
  • ہمبستری پر معلق تین طلاقوں کا حکم

    یونیکوڈ   طلاق معلقہ 0
  • معلق طلاق کی ایک صورت اور اس میں طلاق سے بچنے کی تدبیر

    یونیکوڈ   طلاق معلقہ 1
  • جن پیسوں پر طلاق معلق کی اسکے علاوہ دوسرے پیسے دکھانے پر طلاق کا حکم

    یونیکوڈ   طلاق معلقہ 0
  • معلق بالشرط طلاق کی ایک خاص صورت کا حکم

    یونیکوڈ   طلاق معلقہ 0
  • موبائل میں گفتگو کرنے اور ڈرامہ دیکھنے پر طلاق معلق کرنے کا حکم

    یونیکوڈ   طلاق معلقہ 0
  • "فارغ سمجھو " کے الفاظ سے طلاق کا حکم

    یونیکوڈ   طلاق معلقہ 0
  • کل ظہر کے بعد عصر تک آجاؤ ورنہ طلاق کہنے کا حکم

    یونیکوڈ   طلاق معلقہ 0
  • طلاق کو کسی شرط کے ساتھ معلق کرکے اس سے رجوع کرنا

    یونیکوڈ   طلاق معلقہ 1
Related Topics متعلقه موضوعات