’’آج کی رات حرام ہے جوتجھے ہاتھ بھی لگاؤں‘‘الفاظ کاحکم

میں نے اپنی بیوی کی طنزیہ باتوں کی وجہ سے غصے میں اسے کہا کہ ’’ آج کی رات حرام ہے جو تجھے ہاتھ بھی لگاؤں ‘‘ کیا اب اس صورت میں نکاح لازم ہو گیا ؟

الجوابُ حامِدا ًو مُصلیِّا ً

مذکور الفاظ کہنے کے بعد اگر سائل نے اسی رات بیوی کو ہاتھ نہ لگایا ہو تو فقط اس جملہ کیوجہ سے اسکی بیوی پر کوئی طلاق واقع نہیں ہوگی اور دونوں حسب سابق میاں بیوی کی طرح زندگی بسر کر سکتے ہیں البتہ مذکور الفاظ کہنے کے بعد اگر سائل نے اس رات بیوی کو ہاتھ لگایا ہو یا میاں بیوی والے تعلقات قائم کیے ہوں تو اسکی وجہ سے اسکی بیوی پر ایک طلاق ِبائن واقع ہو چکی ہے جسکے بعددوبارہ ایک ساتھ رہنے کے لئے با قاعدہ گواہوں کی موجودگی میں نئے حق مہر کے تقرر کیساتھ دوبارہ عقدِ نکاح کر نالازم ہو گا تاہم اس نکاح کے بعد آئندہ کیلئے سائل کے پاس فقط دو طلاقوں کا اختیارہو گا اس لئے آئندہ طلاق کے معاملہ میں احتیاط سے کام لینا ضروری ہے۔

مأخَذُ الفَتوی

کمافي الدر المختار : (وتبين في البائن والحرام) أي أنا منك بائن أو أنا عليك حرام (إن نوى) لأن الإبانة لإزالة الوصلة والتحريم لإزالة الحل وهما مشتركان فتصح الإضافة إليه، حتى لو لم يقل منك أو عليك لم يقع بخلاف أنت بائن أو حرام حيث يقع إذا نوى اھ(3/252)-
وفیه ایضاً: (وإن نوى الوقت أو الشرط اعتبرت) نيته اتفاقا ما لم تقم قرينة الفور فعلى الفور.اھ(3/280)-
وفی ردالمحتار: لو أسنده إلى نفسه لم يقع؛ فحيث لم يكن صالحا للإيقاع منه لم يصلح للجواب منها فهذا هو الصواب في تقرير هذا الضابط(3/325)-
کمافي الفتاوى الهندية: وإذا أضافه إلى الشرط وقع عقيب الشرط اتفاقا مثل أن يقول لامرأته: إن دخلت الدار فأنت طالق(1/420)-
وفی المبسوط للسرخسی: والمعلق بالشرط ليس بطلاق، وإنما يصير طلاقا عند وجودالشرط فما صح تعليقه بالشرط ينزل عند وجود الشرط جملة اھ (4/127)-