کیاشوہر کو راضی کرنے کے لیے تعویذ کرنا جائز ہے ؟

السلام علیکم! ایک لڑکی کو اس کے شوہر نے ایک طلاق دے کر اپنے گھر سے نکال دیا، اس کے بعد لڑکی کے والدین نے ایک عالم سے مشورہ کیا، اس نے چار تعویذ دیے اور کہا ایک تعویذ سمندر میں ڈالو، ایک درخت سے باندھو، ایک جلاؤ اور ایک قبرستان میں دفن کرو، اس وقت تو ان لوگوں نے یہ کر لیا، مگر لڑکی کے شوہر نے رجوع نہیں کیا اور سب ختم ہو گیا، اب سوال یہ ہے کہ جو تعویذ کا عمل کیا ہے، کیا وہ شریعت کے خلاف ہے اور گناہ ہے؟ اور اس کا کفارہ کیا ہے؟ براہِ مہربانی جواب جلدی دیں، بہت پریشان ہیں وہ لوگ۔

الجوابُ حامِدا ًو مُصلیِّا ً

اگر تعویذات میں قرآنی آیات یا ماثور ادعیہ وغیرہ ہوں تو یہ عمل اگر چہ درست تھا، اور ان کو دفن کرنے، درخت میں باندھنے یا سمندر میں ڈالنے میں بھی کوئی مضائقہ نہیں تھا، البتہ ایسے تعویذات کو جلانا درست نہیں، جس پر توبہ استغفار کرنالازم ہے، مگر اس کی وجہ سے کوئی کفارہ و غیر ہ لازم نہیں۔

مأخَذُ الفَتوی

کما في رد المحتار: ولا بأس بالمعاذات إذا كتب فیها القرآن، أو أسماء الله تعالى، ويقال رقاه الراقي رقيا ورقية إذا عوذه ونفث فی عوذته قالوا: إنما تكره العوذة إذا كانت بغير لسان العرب، ولا يدرى ما هو ولعله يدخله سحر أو كفر أو غير ذلك، وأما ما كان من القرآن أو شيء من الدعوات فلا بأس به اهـ (الى قوله) وفي المجتبى: اختلف فی الاستشفاء بالقرآن بأن يقرأ على المريض أو الملدوغ الفاتحة، أو يكتب فی ورق ويعلق عليه أوفي طست ويغسل ويسقى. وعن «النبي - صلى الله عليه وسلم - أنه كان يعوذ نفسه» قال - رضي الله عنه -: وعلى الجواز عمل الناس اليوم، وبه وردت الآثار ۔ اھ (6/363)