والد کے انتقال ہوجانے کی صورت میں بچوں کے پرورش کا حق کس کو ہے؟

جناب عالی ! مؤدبانہ گزارش ہے کہ میری بیٹی کی شادی 8 سال پہلے سجاد سے ہوئی تھی ، تقریبا دو سال پہلے سجاد کا انتقال ہو چکا ہے ، اس کے دو بچے ہیں ، بیٹے کی عمر تقریباً 4 سال اور بیٹی کی عمر تقریباً 3 سال ہے ، میری بیٹی نے دوسری شادی کر لی ہے ، اب ہم آپ حضرات سے شریعت کے مطابق پوچھنا چاہتے ہیں کہ ان بچوں کو رکھنے کا حق کس کا ہے؟ بچوں کی ماں کا ، دادی کا یا نانی کا ؟ اور ان بچوں کے خرچہ کا کیا ہوگا ؟ میری بیٹی اور دونوں بچے میرے پاس تقریباً دو سال سے ہیں ، آج تک دادا نے خرچ کی بات نہیں کی اور نہ کبھی پوچھا ، نہ کبھی بچوں کو خرچہ دیا اور نہ کبھی عید پر کپڑے دیے، لہذا آپ سے بذریعہ درخواست التماس ہے کہ شریعت کے مطابق ہماری رہنمائی فرمائی جائیں ۔

الجوابُ حامِدا ًو مُصلیِّا ً

واضح ہوکہ والد کے انتقال ہوجانے کی صورت میں بچہ جب تک سات سال کی عمر کو اور بچی نو سال کی عمر کو نہ پہنچی ہو ، تب تک ان کے پرورش کی زیادہ حقدار ان کی ماں ہے ، بشرطیکہ وہ بچوں کے کسی غیر ذی رحم محرم سے شادی نہ کر لے ، لہذا سائل کی بیٹی نے اگر بچوں کے غیر ذی رحم محرم شخص سے شادی کرلی ہو ، تو ایسی صورت میں اس کا حق پرورش ساقط ہو چکا ہے ، البتہ ماں کے حق پرورش ساقط ہونے کے بعد بچوں کی نانی پرورش کی زیادہ حقدار ہوگی ، لیکن بچے جب مقررہ عمر کو پہنچ جائیں ، تو انکے دادا کو انہیں اپنی تحویل میں لینے کا اختیار ہوگا ، جبکہ اس دوران بچوں کے اخراجات والد مرحوم کے ترکہ سے ملنے والی حصۂ شرعی سے پورے کئے جائینگے ، بصورت دیگر ترکہ نہ ہونے کی صورت میں ان کے اخراجات دادا کی وسعت کے مطا بق ان کے ذمہ لازم ہوں گے ۔

مأخَذُ الفَتوی

كما في فتاوى البزازية : أحق الناس بالولد حال قيام النكاح و بعد الفرقة الأم فإن ماتت أو تزوجت بأجنبي لا بعم الصغير أو الجدة بجد الصغير فأم الأم ثم أم الأب الخ (مسائل الحضانة، ج2، ص 543، ط: رشيدية )-
و في فتاوى الهندية : وإن كان الأب قد مات وترك أموالا وترك أولادا صغارا كانت نفقة الأولاد من أنصبائهم الخ ( الفصل الرابع في نفقة الأولاد، ج 3، ص 29، ط : رشيدية )-
وفيها أيضا : و إنما يبطل حق الحضانة لهؤلاء النسوة بالتزوج إذا تزوجن بأجنبي، فإن تزوجن بذي رحم محرم من الصغير كالجدة إذا كان زوجها جدا لصغير أو الأم إذا تزوجت بعم الصغير لا يبطل حقهاالخ ( الباب السادس عشر في الحضانة، ج 2، ص 544، ط : رشيدية )-
وفيها أيضا : و الأم و الجدة أحق بالغلام حتى يستغني و قدر بسبع سنين وقال القدوري حتى يأكل وحده و يشرب وحده و يستنجي وحده و قدره أبو بكر الرازي بتسع سنين و الفتوى على الأول و الأم و الجدة أحق بالجارية حتى تحيض الخ ( الباب السادس عشر في الحضانة، ج 2، ص 545، ط: رشيدية )-
و في فتاوى قاضي خان : وفي ظاهر الرواية : البنت البالغة و الغلام البالغ الزمن بمنزلة الصغير نفقته على الأب خاصة وأب الأب عند عدم الأب في النفقة بمنزلة الأب الخ ( فصل في نفقة الأولاد، ج 3، ص 37، ط: رشيدية )-واللہ اعلم