پرورش و تربیت
مطلقہ کا پہلے شوہر کے بچے کی نسبت دوسرے شوہر کی طرف کرنا اور والد کے خانہ میں دوسرے شوہر کا نام لکھنا
فتوی نمبر : 16134
مطلقہ کا پہلے شوہر کے بچے کی نسبت دوسرے شوہر کی طرف کرنا اور والد کے خانہ میں دوسرے شوہر کا نام لکھنا
معاشرت زندگی / اولاد کے مسائل و احکام / پرورش و تربیت
مطلقہ کا پہلے شوہر کے بچے کی نسبت دوسرے شوہر کی طرف کرنا اور والد کے خانہ میں دوسرے شوہر کا نام لکھنا
کیا فرماتے ہیں علماء دین و مفتیان شرع متین اس مسئلے کے بارے میں کہ ایک خاتون جسے اپنے پہلے خاوند سے طلاق ہو گئی ہے اور اس سے اس خاتون کا ایک بیٹا بھی ہے۔ اور اب عدت کے بعد اس نے ایک دوسرے شخص سے نکاح کر لیا ہے، مگر اس پہلے خاوند سے بیٹے کو بھی اسی دوسرے خاوند کی طرف منسوب کرتی ہے۔ حتی کہ کاغذات میں بھی بجائے اس بیٹے کے اصلی باپ کے اپنے دوسرے شوہر کا نام درج کرواتی ہے ۔ کیا مذکورہ خاتون کا یہ عمل شریعت محمدیہ کی روشنی میں جائز ہے یا نہیں ۔ براہ کرم قرآن و حدیث کی روشنی میں اس مسئلہ کا حل فرما کر ممنون فرمائیے ۔
الجوابُ حامِدا ًو مُصلیِّا ً
صورت مسئولہ میں مذکور بچے کو اُس کے اپنے باپ کے علاوہ کسی دوسرے شخص کی طرف منسوب کرنا اور اس دوسرے شخص کو مذکور بچے کا باپ ثابت کرنا اور تمام کاغذات میں بھی اس کے اپنے باپ کے علاوہ کسی دوسرے کا نام لکھوانا سخت حرام اور گناہ کبیرہ ہے جس سے احتراز واجب ہے۔ لہذا مذکورہ خاتون پر لازم ہے کہ وہ اس بچے کو اپنے اصلی والد کی طرف منسوب کرے اور سرکاری و غیر سرکاری تمام کاغذات میں بھی اس کے اصلی والد کا ہی نام درج کروائے ۔
مأخَذُ الفَتوی
قَالَ الله تَبَارَكَ وَتَعَالَى { ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ } [الأحزاب: 5]
نادر جان لون عُفی عنه
دار الافتاء جامعه بنوریه عالمیه
فتوی نمبر 16134کی تصدیق کریں
Related Fatawa متعلقه فتاوی
Related Topics متعلقه موضوعات
-
35رضاعتBreastfeeding
-
34پرورش و تربیتParenting & Upbringing
-
29بچوں کے مسائلIssues Regarding Children
-
29لے پالک کے احکامRules for Adopted Child
- 17
-
2ختنہCircumcision