السلام علیکم !مفتی صاحب عرض یہ کرنا ہے کہ ایک خاتون ہے جس کے ہاں دو ماہ پہلے ایک بچے کی ولادت ہوئی ہے اب اس کو خون کے معمولی معمولی داغ لگ رہے ہیں تو اب اس کے لیے پاکی کا کیا حکم ہے؟ جبکہ پہلے وہ 40 دن پورے ہونے پر پاکی کا غسل کر چکی ہے اور اب نماز وغیرہ اعمال کر رہی ہے ،تو جب دو ماہ بعد خون کے داغ لگ رہے ہیں تو اس بارے میں کیا حکم ہوگا؟آیا یہ ماہواری ہے یا نہیں ؟
براہ کرم تفصیل سے رہنمائی فرمائیں۔
نفاس کی زیادہ سے زیادہ مدت شرعاً چالیس دن مقرر ہے ، اس کے بعد آنے والا خون نفاس شمار نہ ہوگا۔لہٰذا صورتِ مسئولہ میں مذکورعورت کو نفاس کا خون بند ہونے کے دو ماہ بعد نظر آنے والے خون کے دھبے حیض شمار ہوں گے ،چنانچہ ان دنوں میں وہ نماز روزہ چھوڑ دے گی ،اور دس دن تک خون رکنے کا انتظار کرے گی ،اگر دس دن کے اندر خون آنا بند ہو جائے تو غسل کر کے معمول کے مطابق نماز روزہ ادا کرے،ورنہ دس دن کے بعد بھی اگر خون جاری رہے تو عادت کے ایام سے زائد آنے والا خون استحاضہ شمار ہوگا،چنانچہ اس صورت میں ہر نماز کے وقت تازہ وضو کر کے نماز ادا کرنے کا اہتمام کرے گی ۔
کما فی الھندیۃ: أقل النفاس ما يوجد ولو ساعة وعليه الفتوى وأكثره أربعون. كذا في السراجية. وإن زاد الدم على الأربعين فالأربعون في المبتدأة والمعروفة في المعتادة نفاس هكذا في المحيط. (کتاب الطھارۃ، الباب السادس في الدماء المختصة بالنساء وفيه أربعة فصول، الفصل الثاني في النفاس، ج:1، ص:37، ط:مکتبۃ الماجدیۃ)
وفی بدائع الصنائع: (وأما) أكثر النفاس فأربعون يوما عند أصحابنا ---الی قولہ: (ولنا) ما روي عن عائشة، وأم سلمة، وابن عباس، وأبي هريرة - رضي الله تعالى عنهم - عن النبي صلى الله عليه وسلم أنه قال «أكثر النفاس أربعون يوما»۔وأما الاستحاضة فهي ما انتقص عن أقل الحيض، وما زاد على أكثر الحيض والنفاس۔(کتاب الطھارۃ،فصل النفاس واحکامہ،ج:1،ص:41،ط: ایچ-ایم-سعیدکمپنی)
وفی الدر المختار: (ودم استحاضة) حكمه (كرعاف دائم) وقتا كاملا (لا يمنع صوما وصلاة) ولو نفلا (وجماعا) لحديث «توضئي وصلي وإن قطر الدم على الحصير» .(کتاب الطھارۃ،باب الحیض،ج:1،ص:298،ط:ایچ-ایم-سعیدکمپنی)
وفی الھدایۃ: وأقل النفاس لا حد له" لأن تقدم الولد علم الخروج من الرحم فأغنى عن امتداد جعل علما عليه كما في الحيض "وأكثره أربعون يوما والزائد عليه استحاضة" لحديث أم سلمة رضي الله عنها أن النبي عليه الصلاة والسلام وقت للنفساء أربعين يوما وهو حجة على الشافعي رحمه الله في اعتبار الستين "فإن جاوز الدم الأربعين وقد كانت ولدت قبل ذلك ولها عادة في النفاس ردت إلى أيام عادتها" لما بينا في الحيض "وإن لم تكن لها عادة فابتداء نفاسها أربعون يوما" لأنه أمكن جعله نفاسا۔(کتاب الطھارات،باب: الحيض والاستحاضة،فصل:فی النفاس،ج:1،ص:67،ط:مکتبۃاللدھیانوی)
مانعِ حیض ادویات کے استعمال کےباوجود خون آجائے تو نماز وغیرہ کا حکم
یونیکوڈ خواتین کے مخصوص مسائل 1محرم عورت سے(العیاذ باللہ) زنا کا حکم-حیض سے پاکی کے بعد استنجا کا طریقہ
یونیکوڈ خواتین کے مخصوص مسائل 0زیورات اُتارنے کے بعد دورانِ غسل ناک اور کان کے سوراخوں میں خلال کرنا
یونیکوڈ خواتین کے مخصوص مسائل 0مخصوص ایّام میں اُوڑھے ہوئے دوپٹہ سے قرآن کو پکڑنا جائز ہے یا نہیں؟
یونیکوڈ خواتین کے مخصوص مسائل 0ایامِ حیض (عورتوں کی ناپاکی کے مخصوص ایام)میں،معلمہ یا طالبہ کا قرآن پڑھنا پڑھانا
یونیکوڈ خواتین کے مخصوص مسائل 0رمضان میں بچہ کی ولادت کے بعد دس دن خون آئے تو باقی ایّام کے روزے رکھ سکتی ہے یانہیں؟
یونیکوڈ خواتین کے مخصوص مسائل 0لیکوریا کی مریض عورت کی رطوبت نیز خیالاتِ فاسدہ سے نکلنے والی رطوبت کا حکم
یونیکوڈ خواتین کے مخصوص مسائل 1