لیکوریا کی صورت میں پاکی، نماز اور روزہ کا حکم

کیا فرماتے ہیں علماءِ کرام ومفتیانِ عظام اس مسئلہ کے بارے میں کہ :
میں بیس (۲۰) دن پہلے اپنی خالہ کے گھر لیاری گئی تھی، تب سے مجھے لیکوریا کے ساتھ بلڈ بھی آرہا ہے اور اس کے ساتھ ساتھ کمزوری بھی بڑھتی جا رہی ہے، مستقل سر میں بھی درد ہے بہت زیادہ اور ٹانگوں میں بھی، تو آپ یہ بتائیں کہ یہ پاکی ہے یا ناپاکی ؟ اور نماز پڑھ سکتے ہیں اور روزہ رکھ سکتے ہیں یا نہیں؟ اور آپ بتائیں کہ یہ مسئلہ کیا ہے؟ میرا چھ مہینے سے علاج چل رہا ہے مجید صاحب سے، میری طبیعت میں بہت بہتری تھی، لیکن جب سے میں وہاں گئی ہوں تب سے یہ مسئلہ پیش آگیا اور میری طبیعت پہلے سے بھی زیادہ خراب ہو رہی ہے، انہوں نے میرے سر پر قینچی پھیر کر دم کیا تو چار پانچ دن تک سر کا درد ختم ہو گیا، لیکن اب پھر شروع ہو گیا ہے اور ابھی تک ایک دن پہلے مجھے سانس کا مسئلہ ہو گیا تھا تو دھونی دی تو طبیعت کچھ صحیح ہوئی۔

الجوابُ حامِدا ًو مُصلیِّا ً

لیکوریا ہو جانے سے وضو ٹوٹ جاتا ہے اور کپڑوں پر لگ جائے تو ناپاک ہوجاتے ہیں ، اس لۓ نماز سے پہلے وضو اور پاکی کا اہتمام ضروری ہے، جبکہ اس دوران روزہ رکھنا بلاشبہ جائز اور درست ہے۔

مأخَذُ الفَتوی

فی الفتاوى الهندية: في نواقض الوضوء منها ما يخرج من السبيلين من البول والغائط والريح الخارجة من الدبر والودي والمذي والمني والدودة والحصاة الغائط يوجب الوضوء قل أو كثر وكذلك البول والريح الخارجة من الدبر كذا في المحيط اھ(1/ 9)۔
وفيها ايضا: كل ما يخرج من بدن الإنسان مما يوجب خروجه الوضوء أو الغسل فهو مغلظ كالغائط والبول والمني والمذي والودي والقيح والصديد والقيء إذا ملأ الفم كذا في البحر الرائق وكذا دم الحيض والنفاس والاستحاضة هكذا في السراج الوهاج اھ(1/ 46)۔