میں نے 17 دن پہلے اسقاط حمل کی گولیاں کھائی ہیں اب ہلکے بھورے رنگ میں خون آنا معمول ہے اور آج عرفہ ہے میں اپنا روزہ اور نماز نہیں چھوڑنا چاہتی اب مجھے کیا کرنا چاہیے؟
صورت مسؤلہ میں سائلہ نے اس بات کی وضاحت نہیں کی ہے کہ انہوں نے حمل ٹہرنے کے کتنے ایام بعد اسقاط حمل کی گولیاں کھائی ہے تاکہ اس کے مطابق جواب دیا جاتا ، تاہم حمل ضائع ہوجانے کی صورت میں اگر ساقط شدہ حمل کے اعضا (ہاتھ،پاؤں وغیرہ) کی ساخت ظاہر ہوچکی ہو تو اس کے بعدآنے والا خون نفاس شمار ہوگا،جس میں چالیس دن تک پاکی نہ آنے کی صورت میں نہ روزہ رکھنا جائز ہے اور نہ ہی دوسری عبادات ادا کرنا،البتہ اگر بچے کے أعضاء کی ساخت ظاہر نہ ہوئی ہو تو اسقاط کے بعد آنے والے خون سے قبل اگر ایک مکمل طہر اور پاکی کا زمانہ گزرا ہے جس کی مدت کم از کم پندرہ (15)دن ہے تو اس کے بعد آنے والا خون اگر تین دن یا اس سے زیادہ جاری رہا تو یہ حیض کا خون شمار ہوگا،لہذا اس میں ایام عادت ، ورنہ دس دن تک عورت کے لیے نماز پڑھنا اور روزہ رکھنادرست نہ ہوگا البتہ اس کے بعد آنے والا خون استحاضہ کہلائیگا جسمیں طہارت حاصل کرنے کے بعد معمول کے مطابق جملہ عبادات ادا کرنا اور روزے رکھنا بلاشبہ جائز اور درست ہوگا ۔
کما فی الدرالمختار: (ظهر بعض خلقه كيد أو رجل) أو أصبع أو ظفر أو شعر، ولا يستبين خلقه إلا بعد مائة وعشرين يوما (ولد) حكما (فتصير) المرأة (به نفساء والأمة أم ولد ويحنث به) في تعليقه وتنقضي به العدة، فإن لم يظهر له شيء فليس بشيء، والمرئي حيض إن دام ثلاثا وتقدمه طهر تام وإلا استحاضة،اھ(كتاب الطهارة،باب الحيض،ج: 1،ص: 302،مط: دار الفکر)
و فی تبیین الحقائق: الاستحاضة وهو الذي ينقص عن ثلاثة أيام أو يزيد على عشرة أو على أكثر النفاس كرعاف يعني حكمه كحكم رعاف دائم غير منقطع من وقت صلاة كامل لا يمنع صوما وصلاة ووطئا لقوله عليه الصلاة والسلام «توضئي وصلي وإن قطر الدم على الحصير الخ (كتاب الطهارة، باب الحيض،ج: 1،ص: 64،مط: دار الکتاب الاسلامی)
و فی الفتاوی الھندیة: (الأحكام التي يشترك فيها الحيض والنفاس ثمانية) (منها) أن يسقط عن الحائض والنفساء الصلاة فلا تقضي. هكذا في الكفاية إذا رأت المرأة الدم تترك الصلاة من أول ما رأت قال الفقيه وبه نأخذ(الی قولہ)(ومنها) أن يحرم عليهما الصوم فتقضيانه هكذا في الكفاية،اھ(كتاب الطهارة،الفصل الرابع في أحكام الحيض والنفاس والاستحاضة،ج: 1،ص: 38،مط: دار الفکر)
مانعِ حیض ادویات کے استعمال کےباوجود خون آجائے تو نماز وغیرہ کا حکم
یونیکوڈ خواتین کے مخصوص مسائل 1محرم عورت سے(العیاذ باللہ) زنا کا حکم-حیض سے پاکی کے بعد استنجا کا طریقہ
یونیکوڈ خواتین کے مخصوص مسائل 0زیورات اُتارنے کے بعد دورانِ غسل ناک اور کان کے سوراخوں میں خلال کرنا
یونیکوڈ خواتین کے مخصوص مسائل 0مخصوص ایّام میں اُوڑھے ہوئے دوپٹہ سے قرآن کو پکڑنا جائز ہے یا نہیں؟
یونیکوڈ خواتین کے مخصوص مسائل 0ایامِ حیض (عورتوں کی ناپاکی کے مخصوص ایام)میں،معلمہ یا طالبہ کا قرآن پڑھنا پڑھانا
یونیکوڈ خواتین کے مخصوص مسائل 0رمضان میں بچہ کی ولادت کے بعد دس دن خون آئے تو باقی ایّام کے روزے رکھ سکتی ہے یانہیں؟
یونیکوڈ خواتین کے مخصوص مسائل 0لیکوریا کی مریض عورت کی رطوبت نیز خیالاتِ فاسدہ سے نکلنے والی رطوبت کا حکم
یونیکوڈ خواتین کے مخصوص مسائل 1