: کیا میں OGDC کے شیئرز اسٹاک مارکیٹ میں خرید سکتا ہوں ؟ اسی طرح کیا میں کھاد سیمنٹ اور ٹیکسٹائل کمپنیوں کے شیئرز خرید سکتا ہوں؟
(۲) آج کل تقریبا ساری کمپنیوں کو اپنا کاروبار چلانے کے لیے تجارتی بنکوں سے قرضہ لینے کی ضرورت پڑتی ہے مثلاً OGDC کو بنک سے قرضہ لینے کی ضرورت پڑتی ہے عوام کو اپنے حصص بیچنے کے لیے اور کنواں کھودنے کے لیے۔
کیا میں مذکور کمپنیوں کے شیئرز کی خرید و فروخت کر سکتا ہوں ؟ براہ کرم تفصیلی جواب عنایت فرمائیں۔
اگر مذکور کمپنیوں کا بنیادی کاروبار مجموعی طور پر حلال ہو تو پھر دو شرطوں کے ساتھ ان کمپنیوں کے شیئرز (sheres)خریدنے کی گنجائش ہے۔ پہلی شرط یہ ہے کہ وہ شیئرز ہولڈر ان کمپنیوں کے اندر سودی کاروبار کے خلاف آواز اٹھائے اگر چہ اس کی آواز مسترد (overrule) ہو جائے ۔ اور اس کا سب سے بہترین طریقہ یہ ہے کہ کمپنیوں کی جو سالانہ مٹینگ ہوتی ہے اس میں آواز اُٹھائے کہ ہم سودی لین دین کو درست نہیں سمجھتے اور سودی لین دین پر راضی نہیں ہیں۔ اس لیے اس کو بند کیا جائے۔ دوسری شرط یہ ہے کہ جب منافع تقسیم (Dividend) ہوں تو شیئرز ہولڈر انکم اسٹیٹ منٹ (Income statement) کے ذریعے معلوم کرے کہ آمدنی کا کتنے فیصد حصہ سودی ڈیپازٹ سے حاصل ہوا ہے ۔ اس تناسب سے اپنے نفع میں سے صدقہ کر دے۔