جس عورت کو دس دن سے زائد خون آئے اس کیلئے پاکی کا حکم

ہم کینیڈا میں رہتے ہیں،میری زوجہ کی عمر 46 سال ہے،عمر کی وجہ سے اندرونی جسمانی پیچیدگیاں شروع ہو چکی ہیں،ان کی ماہواری ایک عرصے سے اس طرح تھی کہ شروع کے تین دن زیادہ پھردو دن بعد ایک دن اورپھر نویں یا دسویں دن ایک نقطہ،وہ ہر ماہ دس روز مکمل کر کے پاک ہوتی ہیں،پچھلے کئی ماہ سے یہ سلسلہ بھی آئرن کی کمی کی وجہ یا دوسری وجہ سے ڈسٹرب ہو گیا ہے اور بارہ سے تیرہ دن تک بڑھ گیا ہے،میری زوجہ کی صحیح رہنمائی فرمائیں کہ وہ کتنے دنوں میں پاک ہوں تاکہ نمازوں اور روزوں کا حرج نہ ہو،جزاک اللہ خیراً ۔

الجوابُ حامِدا ًو مُصلیِّا ً

سائل کی بیوی کو اگر ہر ماہ دس دن ماہواری آنے کی عادت ہو (جیسا کہ سوال سے بھی واضح ہورہا ہے) تو ایسی صورت میں عادت کے ایام میں سائل کی بیوی کو جو خون آئے وہ تو حیض کا خون شمار ہوگا، جس میں سائل کی بیوی کے لئے نماز و روزہ رکھنا وغیرہ جائز نہ ہوگا، البتہ عادت کے ایام کے علاوہ سائل کی بیوی کو جو خون آئے وہ استحاضہ شمار ہوگا، جس میں سائل کی بیوی کے لئے نماز و روزہ وغیرہ دیگر عبادات کرنا جائز اور درست اور لازم ہوگا۔

مأخَذُ الفَتوی

کما فی الدر المختار: (ودم استحاضة) حكمه (كرعاف دائم) وقتا كاملا (لا يمنع صوما وصلاة) ولو نفلا (وجماعا) لحديث «توضئي وصلي وإن قطر الدم على الحصيراھ (باب الحیض، ج 1، ص 298، ط: سعید)۔
وفیہ ایضاً : (وصاحب عذر من به سلس) بول لا يمكنه إمساكه (أو استطلاق بطن أو انفلات ريح أو استحاضة) أو بعينه رمد أو عمش أو غرب، وكذا كل ما يخرج بوجع ولو من أذن وثدي وسرة (إن استوعب عذره تمام وقت صلاة مفروضة)بأن لا يجد في جميع وقتها زمنا يتوضأ ويصلي فيه خاليا عن الحدث (ولو حكما) لأن الانقطاع اليسير ملحق بالعدم (وهذا شرط) العذر (في حق الابتداء، وفي) حق (البقاء كفى وجوده في جزء من الوقت) ولو مرة (وفي) حق الزوال يشترط (استيعاب الانقطاع) تمام الوقت (حقيقة) لأنه الانقطاع الكامل(وحكمه الوضوء) لا غسل ثوبه ونحوه (لكل فرض) اللام للوقت كما في لدلوك الشمس (ثم يصلي) به (فيه فرضا ونفلا) فدخل الواجب بالأولى (فإذا خرج الوقت بطل) أي: ظهر حدثه السابق، حتى لو توضأ على الانقطاع ودام إلى خروجه لم يبطل بالخروج ما لم يطرأ حدث آخر أو يسيل كمسألة مسح خفه الخ (باب الحیض، ج 1، ص 305، ط:سعید)۔