میرا علماء حضرات سے سوال یہ ہے کہ کیا افطار کرنے کی دعا کھجور کھانے کے بعد پڑھی جائے یا پہلے ؟
مجھے نماز میں بہت سے خیالات آتے ہیں , میں تو جہ سے نماز ادا نہیں کر پاتی ، اس معاملے میں مدد فرمائیں ؟
”اللہم لک صمت ، و علی رزقک أفطرت“ اس دعا کے بارے میں احادیث میں اس کی کوئی صراحت نہیں ہے کہ یہ دعاء افطار کے بعد کی ہے یا پہلے کی ، البتہ معمول یہ ہے کہ یہ دعا افطار کرنے سے پہلے افطار شروع کرتے وقت پڑھی جاتی ہے ، نیز افطار کے بعد کی دعا دوسری ہے ، یعنی : ذہب الظمأ ، و ابتلت العروق ، و ثبت الأجر ان شاء اللّٰہ۔
نماز میں وسوسوں کو روکنےکی کوشش کریں ،اگر پھر وسوسے آئیں تو پھر نماز کی طرف متوجہ ہوں اور دھیان کے ساتھ نماز پڑھیں ، کچھ وقت اس طرح نماز پڑھنےسے دھیان نصیب ہوگا ۔