پریشانی اور بدخوابی کا علاج

میرا نام معین الدین، بہن کا نام بسم اللہ، والدہ کا نام محبوبی اور والد کا نام عبد الماجد ہے، ہمیشہ خوابوں سے پریشان ہے، اور ہمیشہ سانپ اس کے آس پاس ملتے ہیں، ایک بار سانپ اس کے منہ پر اپنا منہ رکھ کر سویا تھا، نیند سے جاگنے کے بعد اس نے جھڑک دیا، وہ ڈراؤنے خواب سے بہت پریشان ہے، ہمارے گھر والوں کے بارے میں کوئی بُرا سوچے تو اس کو ایک دن پہلے خواب میں دکھائی دیتا ہے، ابھی وہ انڈیا میں ہے، علاج بہت کیا، لیکن فائدہ نہیں ہوا، نماز کی بہت پابند ہے، مہربانی کرکے اس کا کوئی حل بتائیں۔

الجوابُ حامِدا ًو مُصلیِّا ً

ایسے حالت میں خصوصی طور پر رجوع الی اللہ کے ساتھ ساتھ اتباعِ سنت نبویؐ کی اشد ضرورت ہے، اور اسے چاہیے کہ روزانہ کے وظائف واوراد کی پابندی اور حضرت شیخ الحدیث مولانا محمد زکریا ؒ کی ترتیب دی ہوئی منزل شریف کا بھی نمازِ فجر کے بعد اہتمام کرے، جبکہ خواب میں سانپ کا دیکھنا اور اس کا قریب آنا دشمن سے تعبیر ہے، جس سے روکنے، ہٹانے اور مارنے کی کوشش نہیں ہورہی، اس لیے چاہیے کہ دوست ودشمن کی پہچان کی جائے اور دشمن کو مارنے کی بھی کوشش یا کم از کم اس سے بچنے کی تدبیر اختیار کی جائے۔

مأخَذُ الفَتوی

وفي التفسیر المظھری: عن انس قال صنعت اليهود لرسول الله ۔ صلى الله عليه واله وسلم ۔ شيئا فاصابه من ذلك وجع شديد فدخل عليه أصحابه فظنوا انه الما به فاتاه جبرئيل بالمعوذتين فعوذبهما فخرج الى الصحابة صحيحا وله شاهد فى الصحيحين بدون نزول السورة اھ (۱۰/۳۸۵)۔
وفي جامع الاحکام للقرآن: وھذہ السورة، وسورة الناس والاخلاص تعوذ بھن رسول اللہ ۔ صلی اللہ علیه وسلم ۔ حین سحرته الیھود اھ (۱۰/۱۸۰)۔
واللہ اعلم بالصواب!