’’اللہ نے عدل نہیں کیا‘‘ کہنے کا حکم

میری بیوی کا بھائی ایک حادثہ میں کچھ ماہ پہلے فوت ہوگیا , جب کبھی بھی میری بیوی اس کو یاد کرتی ہے تو و ہ مغموم اور ناراض ہو جاتی ہے ، دوتین بار اس نے کہا کہ اللہ نے عدل نہیں کیا اور وہ نماز ادا نہیں کرےگی ، لیکن جب وہ ٹھیک ہوجاتی ہے تو وہ نماز ادا کرتی ہے۔
۱۔ حنفی مسلک کے تحت جب وہ اپنی غیر حالت میں ایسی بات کرتی ہے تو کیا اس کی ایمان کے لیے تجدید کی ضرورت ہے ؟ اور اس کا طریقہ کیا ہے؟
۲۔ کیا اس کا اثر نکاح پرپڑےگا؟ حنفی مسلک نقطہ نظرسے ؟
۲۔ اگر اس کانکاح پر اثر پڑتا ہے اور ہم ایک ساتھ رہتے ہیں اس مسئلہ کو نہیں جانتے ہوئے ، تو کیا ہمیں کوئی کفارہ ادا کرنا ہوگا؟قرآن و حدیث اور فقہ حنفی کی روشنی میں جواب دیں۔

الجوابُ حامِدا ًو مُصلیِّا ً

اللہ تعالیٰ کے بارے میں یہ کہنا کہ- نعوذ باللہ – ’’اس نے عدل نہیں کیا‘‘ بلاشبہ کفریہ کلمہ ہے اب اگر اس کو یہ جانتے ہوئے بولا گیا ہو تو اس کی وجہ سے سائل کی بیوی دائرہ اسلام میں نہیں رہی ہے، اس پر تجدیدِ ایمان و تجدیدِ نکاح لازم ہے، اور اگر جہالت میں ایسے الفاظ اس سے جاری ہوگئےہوں تب بھی ان الفاظ کے انتہائی شدید ہونے کی وجہ سے بہتر یہ ہے کہ وہ تجدیدِ ایمان و نکاح کرلے۔

مأخَذُ الفَتوی

ففی خلاصة الفتاوی: الجاھل اذاتکلم بکلمة الکفر و لم یدر أنھا کفر قال بعضھم لایکون کفرا و یعذر بالجھل و قال بعضھم یصیر کافراً و منھا أنه من أتی بلفظة الکفر و ھو لم یعلم أنھا کفر إلا أنھا أتی بھا عن اختیار یکفر عند عامة العلماء خلافاً للبعض و لا یعذر بالجھل اھ( ۴/۳۸۲)۔
و فیها ایضا: إمرأة قالت فی مرضھا أو ضیق عیشھا ’’باری ندانمی که خدای مرا چرا افریدہ است چوں از لذتھائ دنیا مرا چیزی نیست‘‘ لایکفر لکنه خظأ عظیم اھ (۴/۳۸۴)۔