داڑھی منڈوا کر کہنا کہ’’اب تو میں ہی خوبصورت لگ رہا ہوں‘‘

مفتی صاحب! جب کوئی آدمی شیو (حجامت) وغیرہ بناتا ہے اور پھر آئینے میں دیکھ کر یہ کہتا ہے کہ اب تو میں بہت خوبصورت لگ ہو رہا ہوں۔ آیا ایسے کہنے سے مذکور شخص کافر ہو جائے گا یا گناہ گار ہوگا؟

الجوابُ حامِدا ًو مُصلیِّا ً

یہ جملہ خطرناک ہے، لہٰذا اگر چہرے پر شریعت کے مطابق داڑھی ہو اور اسے صاف کرنے کےبعد آئینہ میں دیکھ کر مذکور جملہ استعمال کیا جائے تو یہ استخفافِ واجب ہونے کی وجہ سے موجبِ کفر ہے، جس پر صدق دل سے توبہ و استغفار اور تجدیدِ نکاح، وایمان لازم ہے اور یہ کہ آئندہ کے لیے اس قسم کے کلمات زبان پر لانے سے بھی مکمل احتراز لازم ہے۔

مأخَذُ الفَتوی

و فی شرح العقائد: نعم إذا کان بطریق الاستحلال والإستخفاف كان کفرا لکونه علامة للتكذیب اھ(ص:۱۰۹)۔