حمل ضائع ہونے کےبعد جاری ہونے والے خون کا حکم

میرا حمل ضائع ہونے کے بعد ،میں ایک طویل مدت سے حیض گزاری رہی ہوں ، لہٰذا مجھے اب نماز پڑھنی چاہیۓ ؟ اور کیا میں اسی حالت میں روزے رکھ سکتی ہوں؟کیونکہ تقریباً دس دن سے بھوری رنگ کے داغ دھبے شروع ہیں۔

الجوابُ حامِدا ًو مُصلیِّا ً

سائلہ کے ضائع شدہ حمل کے اگر اعضاء (بال ، ناخن وغیرہ) ظاہر ہو چکے ہو ں ، تو ایسی صورت میں سائلہ نفاس والی شمار ہوگی ، لہٰذا اس حمل کے ضائع ہونے کے بعد سے چالیس دن تک آنے والا خون نفاس شمار ہوگا ، جس میں سائلہ کوئی نماز اور روزہ نہ ادا کرے اور پاک ہونے کے بعد سائلہ کے ذمہ نمازوں کی قضاء لازم نہ ہوگی ، البتہ فوت شدہ روزوں کی قضاء لازم ہوگی ، تاہم اگر حمل کی خلقت (اعضاء وغیرہ) بالکل ظاہر نہ ہوئی ہو تو ایسی صورت میں نظر آنے والے خون سے پہلے اگر طہر کامل (پندرہ دن پاکی کے) گزر چکا ہو تو یہ حیض شمار ہوگا ، جو اگر دس دن سے زیادہ جاری رہا ، تو ایسی صورت میں اگر سائلہ کی پہلے سے کوئی عادت مقرر ہو ، تو ان ایام میں سائلہ کے لۓ نمازیں پڑھنا یا روزے رکھنا جائز نہ ہوگا ، اور اس کے علاوہ جو اضافی دن ہیں، وہ استحاضہ شمار ہوگا ، جس میں سائلہ کے ذمہ نماز روزے رکھنا لازم ہوگا۔

مأخَذُ الفَتوی

فی الدر المختار : (و الناقص) عن أقله (و الزائد) على أكثره أو أكثر النفاس أو على العادة و جاوز أكثرهما . (و ما تراه) صغيرة دون تسع على المعتمد و آيسة على ظاهر المذهب (حامل) و لو قبل خروج أكثر الولد (استحاضة .) (1/ 285)۔
و فی حاشية ابن عابدين : (قوله و الزائد على أكثره) أي في حق المبتدأة ، أما المعتادة فما زاد على عادتها و يجاوز العشرة في الحيض و الأربعين في النفاس يكون استحاضة كما أشار إليه بقوله أو على العادة إلخ . أما إذا لم يتجاوز الأكثر فيهما ، فهو انتقال للعادة فيهما ، فيكون حيضا و نفاسا رحمتي اھ (1/ 285)۔