لیکوریاکی مریض عورت کی نمازکاحکم

میرا سوال یہ ہے کہ عورت کے آگے کے راستے سے پاکی کے دِنوں میں جو پانی آتا ہے اس سے وضو ٹوٹ جاتا ہے، تو اکثر ایسا ہوتا ہے کہ نما زمکمل نہیں ہوپاتی، نماز پڑھ کر جب چیک کرتی ہوں تو کپڑے پر نشان ہوتا ہے، اس سے بہت آزمائش ہوتی ہے، ایسے میں کیا کیا جائے؟

الجوابُ حامِدا ًو مُصلیِّا ً

سائلہ کو مذکور عذر اگر اس قدر تسلسل کے ساتھ در پیش نہ ہو کہ جس میں اسے نماز کے پورے وقت میں مکمل طہارت کے ساتھ فقط فرض پڑھنے کا موقع بھی نہ ملتا ہو بلکہ اسے اس رطوبت سے پاکی حاصل کرکے طہارت کے ساتھ نماز پڑھنا ممکن ہو تو ایسی صورت میں جس وقت بھی (نماز کے اندر یا باہر) رطوبت ظاہر ہوجائے گی سائلہ کا وضو ٹوٹ جائے گا ، جس کے بعد نماز پڑھنے کیلئے وضو کرنا لازم ہوگا ، البتہ اگر یہ رطوبت تسلسل کے ساتھ آتی ہو تو اس کی مکمل تفصیل لکھ کر دوبارہ ای میل کردیں تو اس کے بعد ان شاء اللہ حکمِ شرعی سے بھی آگاہ کیا جائے گا۔

مأخَذُ الفَتوی

و فی الدر المختار : أي: برطوبة الفرج، فيكون مفرعا على قولهما بنجاستها، أما عنده فهي طاهرة كسائر رطوبات البدن جوهرة الخ
و فی الشامیة : تحت (قوله: برطوبة الفرج) أي: الداخل بدليل قوله أول ج. و أما رطوبة الفرج الخارج فطاهرة اتفاقا اهـ ح . و في منهاج الإمام النووي رطوبة الفرج ليست بنجسة في الأصح . قال ابن حجر في شرحه : و هي ماء أبيض متردد بين المذي و العرق يخرج من باطن الفرج الذي لا يجب غسله ، بخلاف ما يخرج مما يجب غسله فإنه طاهر قطعا ، و من وراء باطن الفرج فإنه نجس قطعا اهـ (ج۱، ص۳۱۳)۔
و فیه ایضا : و صاحب عذر من به سلس بول لا یمكنه امساكه او استطلاق بطن ریح او انفلات او المستحاضه (الی قوله) ان استوعب عذره تمام وقت صلاة مفروضة . اهـ (ج۱، ص۳۰۵)۔