حیض کا عادت کے دنوں سے بڑھنے کی صورت میں عمرہ کی ادائیگی

میں یہاں عمرہ کے لۓ آئی ہوں یکم جنوری کو ، پورے دس دن کے لۓ ، جس میں سے ۴ راتیں مدینہ اور ۵ راتیں مکہ میں ٹھہرنا ہے ، مسئلہ یہ ہے کہ جس دن میں آئی ہوں ، مجھے حیض شروع ہو گئے ، شادی سے پہلے اس کی مدت ۵ دن ہوتی تھی ، لیکن اب ۶ دن ہو کر بھی جاری ہے ، اس کو روکنے کے لۓ شروع میں دو دن دوائیاں بھی کھائیں ، لیکن بند نہیں ہوئے ، بلکہ مزید بڑھ گئے ، یہاں یہ بات میں بتاتی چلوں کہ میری بچی ستمبر میں پیدا ہوئی ، اس کے بعد ۳ مہینے تک نہیں ہوئے اور اب شروع ہوئے ، تو کیا یہ حیض ہے یا استحاضہ میں آئےگا ؟ کیا میں عادت کے دن نکال کر ، غسل کرکے عمرہ ادا کرسکتی ہوں ؟ اور حرم میں نماز پڑھ سکتی ہوں؟

الجوابُ حامِدا ًو مُصلیِّا ً

اگر حیض عادت سے بڑھ کر دس دنوں سے بھی تجاوز کرے ، تو اس صورت میں عادت سے زائد آنے والا خون استحاضہ شمار ہوگا ، جبکہ سائلہ دورانِ حیض مسجد میں داخل نہیں ہو سکتی اور طواف بھی نہیں کر سکتی ، البتہ جب پاک ہو جائے تو طواف اور سعی کر کے عمرہ مکمل کر سکتی ہے۔

مأخَذُ الفَتوی

فی حاشية ابن عابدين : تحت (قوله أو قبله) أي و قبل الأكثر و زاد على العادة . قال في البحر : و قيد بكونه زاد على الأكثر ؛ لأنه لو زاد على العادة و لم يزد على الأكثر فالكل حيض اتفاقا بشرط أن يكون بعده طهر صحيح اھ (1/ 300)۔
وفیها أیضاً : تحت (قوله إن وليه طهر تام) قال في البحر : و إنما قيدنا به ؛ لأنها لو كانت عادتها خمسة أيام مثلا من أول كل شهر فرأت ستة أيام ، فإن السادس حيض أيضا ، فإن طهرت بعد ذلك أربعة عشر يوما ثم رأت الدم فإنها ترد إلى عادتها و هي خمسة و اليوم السادس استحاضة ، فتقضي ما تركت فيه من الصلاة ، كذا في السراج . اهـ (1/ 301)۔
و فی الدر المختار : (و) يمنع حل (دخول مسجد و) حل (الطواف) و لو بعد دخولها المسجد و شروعها فيه اھ (1/ 291)۔