سواری وغیرہ پر بیٹھ کر گھر سے نکلنے اور داخل ہونے میں سنت طریقہ کیا ہے

مسئلہ: صبح گھر سے نکلتے وقت سنت طریقہ کار کے مطابق بایاں پاؤں نکال کر جانا چاہیے اور دعا پڑھنی چاہیے ، جبکہ گھر میں داخل ہوتے وقت دایاں پاؤں اور دعا پڑھنی چاہیے؟مگر میں اکثر اوقات موٹر سائیکل پر سوار ہو کر گھر سے نکلتا ہوں ایسی صورت میں پاؤں زمین پر نہیں لگتے یا گھر میں داخل ہوتے وقت موٹر سائیکل ہی کے ساتھ اندر داخل ہوتا ہوں، مذکورہ سواری کو سامنے رکھتے ہوئے سنت کے مطابق گھر سے نکلنے اور داخل ہونے کا مکمل طریقہ کار تحریر فرما کر مشکور فرمائیں؟کیا نبی پاک ﷺ نے یا صحابہ کرام سواری کے ساتھ گھر سے باہر نکلے ہیں؟ ایسی کوئی حدیث یا واقعہ ملتا ہے؟ قرآن و مستند احادیث و فقہ کی روشنی میں فتویٰ سے راہنمائی فرمائیں۔

الجوابُ حامِدا ًو مُصلیِّا ً

گھرسے نکلتے اور داخل ہوتے وقت دایاں پیر پہلے کریں یا بایاں پیر پہلے کریں دونوں درست ہیں، جبکہ موٹر سائیکل و غیرہ سواری پر سوار ہونے کی حالت میں نکلیں تو اسی حالت میں گھر سے نکلنے اور داخل ہونے کی دعا پڑھنی چاہیے اس سے سنت پوری ہوجائےگی۔

مأخَذُ الفَتوی

فی سنن ابن ماجۃ: عن أبی هريرة أن النبي صلى الله عليه و سلم كان إذا خرج من بيته قال ( بسم الله لاحول ولا قوة إلا بالله (ص:۲۷۷)۔
و فیہ ایضًا: أن ابن عمر أن النبی -صلى الله عليه وسلم- كان إذا سافر فرکب راحلتہ کبر ثلاثا ثم قال (سبحان الذى سخر لنا هذا وما كنا له مقرنين وإنا إلى ربنا لمنقلبون) (۲/ ۱۸۲)۔ و اللہ أعلم بالصواب