فتوی نمبر : 51217
سر پرٹوپی پہننے کا حکم

سر پرٹوپی پہننے کا حکم

کیااسلام میں ٹوپی پہننا فرض ہے؟ اور اگرفرض ہے توحج میں تو ہم ٹوپی نہیں پہنتے، تو کیاویسے بھی نہیں پہنناچاہیے؟

الجوابُ حامِدا ًو مُصلیِّا ً

واضح ہو کہ ٹوپی پہننا فرض نہیں بلکہ سر پر عمامہ یا ٹوپی پہنناسننِ زوائد میں سے ہے کیونکہ نبی کریم صلی اللہ علیہ وسلم عمومی اَحوال میں عمامہ یا ٹوپی کے ذریعہ سر مبارک کو ڈھانپا کرتے تھے؛ اس لیے اس کا درجہ مستحب کا ہے،اورصحابہ کرام علیہم الرضوان اور صلحائے امت کا بھی یہی معمول تھا۔
البتہ کبھی کبھار ننگے سررہناگناہ نہیں ،لیکن مستقل طور پرننگے سررہنا شرعاً ناپسندیدہ اور خلافِ ادب ہے، اور ننگے سر رہنے کو معمول اور فیشن بنالینااسلامی تہذیب کے خلاف ہے۔

مأخَذُ الفَتوی

زاد المعاد في هدي خير العباد (1/ 130):
"فصل في ملابسه صلى الله عليه وسلم كانت له عمامة تسمى: السحاب كساها علياً، وكان يلبسها ويلبس تحتها القلنسوة. وكان يلبس القلنسوة بغير عمامة، ويلبس العمامة بغير قلنسوة".اھ