ملازم کے لئے اگر کمپنی کی طرف سے سفری اخراجات مقرر ہوں ، تو باقی ماندہ خرچہ کے استعمال کا حکم

میں ایک کمپنی میں ملازم ہوں مجھے کام کے سلسلے میں دوسرے شہروں کے سفر کرنے ہوتے ہیں کمپنی مجھے سفری خرچ کے لئے رقم ادا کرتی ہے اور سفر میں خرچ کی ایک حد مقرر کرتی ہے جو کہ بہت زیادہ ہوتی ہے میں سفر میں اخراجات کو کنٹرول کرتا ہوں اور پیسہ بچا لیتا ہوں کافی رقم جو بچ جاتی ہے اس میں سے کچھ خود رکھ لیتا ہوں باقی کمپنی کو واپس کر دیتا ہوں، اس طرح دونوں کا فائدہ ہو جاتا ہے، میں بچت کی گئی رقم کو سفری اخراجات ظاہر کرتا ہوں کیا یہ رقم میرے لئے جائز ہے ؟

الجوابُ حامِدا ًو مُصلیِّا ً

کمپنی کی طرف سے اگر سفری اخراجات متعین ہوں اور اس سے کم و بیش ہونے کی صورت میں کوئی حساب کتاب نہ لیا جاتا ہو اور نہ ہی کمپنی کی طرف سے واپسی کا کسی قسم مطالبہ ہو تو اس صورت میں سائل اگر کفایت شعاری کی وجہ سے جو رقم بچاتا ہو تو وہ اس کی ملک ہے اور وہ جس طرح چاہے اس میں تصرف کر سکتا ہے ۔

مأخَذُ الفَتوی

کما فی تفسير ابن كثير: وقوله تعالى: إلا أن تكون تجارة عن تراض منكم قرئ تجارة بالرفع وبالنصب وهو استثناء منقطع، كأنه يقول: لا تتعاطوا الأسباب المحرمة في اكتساب الأموال، ولكن المتاجر المشروعة التي تكون عن تراض من البائع والمشتري فافعلوها وتسببوا بها في تحصيل الأموال اھ (2/ 235)
و في مشكاة المصابيح: وعن أبي حرة الرقاشي عن عمه قال: قال رسول الله صلى الله عليه وسلم: «ألا تظلموا ألا لا يحل مال امرئ إلا بطيب نفس منه» . رواه البيهقي في شعب الإيمان والدارقطني في المجتبى اھ (2/ 889)