مدت نفاس نیزدورانِ نفاس بیوی سے استمتاع کا حکم

(۱) استمتاع حاصل کرنے سے کیا مراد ہے اور عزل سے کیا مراد ہے؟
(۲) نفاس میں بیوی کے ساتھ کس حد تک تعلق قائم کرنا جائز ہے؟
(۳) کیسے پتہ لگے گا کہ نفاس کی مدت پوری ہوگئی؟

الجوابُ حامِدا ًو مُصلیِّا ً

(۱) عورت کے آگے اور پیچھے کی راہ کے علاوہ دیگر طرف سے شہوانی تلذذ حاصل کرنے کو استمتاع سے تعبیر کیا جاتا ہے جبکہ ہمبستری کرنے کے دوران جب منی نکلنے لگے تو اسے باہر گرانے کو عزل کہا جاتا ہے۔
(۲، ۳) حیض اور نفاس دونوں میں ناف سے گھٹنوں تک بغیر کسی حائل کے استمتاع درست نہیں اس کے علاوہ تمام امور جائز ہیں جبکہ نفاس ختم ہونے کا تعلق خون بند ہونے کے ساتھ ہے اگر کسی عورت کی عادت مقرر ہو تو اس کے بعد خون بند ہونے اور اگر عادت مقررنہ ہو تو جب خون بند ہونے پر دوبارہ نہ آنے کا یقین یا ظنِِ غالب ہوجائے تو مدت نفاس ختم شمار ہوگی ورنہ چالیس یوم پورا ہونے پر اگرچہ خون جاری بھی ہو تب بھی نفاس ختم شمار ہوگا۔

مأخَذُ الفَتوی

کما فی الدر: (ویمنع (الی قولہ) (قربان ما تحت ازارہ) یعنی ما بین سرَّتہ ورکبتہ ولو بلا شھوة وحل ما عداہ مطلقًا.
وفی الشامیة: تحتہ فیجوز الاستمتاع بالسرة وما فوقھا والرکبة وما تحتھا وبلا حائل وکذا بینھما بحائل بغیر الوطء ولو تطلخ دما (ج۱، ص۲۹۲)
وفی الشامیة: تحت قولہ (ومباشرتھالہ) لانہ یجوز بہ ان یلمس بجمیع بدنہ حتی بذکرہ جمیع بدنھا الا ما تحت الازار فکذا ھی لھا ان تلمس بجمیع بدنھا الا ما تحت الازار جمیع بدنہ حتی ذکرہ الخ. (ج۱، ص۳۹۳)
وفی الدر: (والنفاس) الی قولہ وحکمہ کالحی فی کل شیء (الی قولہ) الاحدّ لا قلہ واکثرہ اربعون یومًا والزائد علی اکثرہ (استحاضة) ولو مبتدأة اما المعتادة فترد لعادتھا فکذا الحیض فان انقطع علی اکثرھما او قیلہ فالکل نفاس. (ج۱ ص)
وفی الدر: (واذن فی العزل) وھو الانزال خارج الفرج. الخ (ج۳، ص۱۷۵) واللہ اعلم بالصواب