وفات کے بعد تجہیز و تکفین کے اخراجات مرحوم کے مال سے ادا کرنا صحیح ہے یا یہ نکال کر وراثت تقسیم کی جائے؟
واضح ہو کہ کسی شخص کےانتقال ہوجانے کے ساتھ اس کے تر کہ کے ساتھ چار قسم کے حقوق متعلق ہو جا تے ہیں۔جس میں پہلے نمبر پر اس کے تجہیزو تکفین کے متوسط اخراجات ہے ،دوسرےنمبر پر واجب الاداء قرضوں کی ادئیگی ہے، تیسرے نمبر پر اگر کوئی جائز وصیت ہو توایک تہائی حصہ کی حد تک ا س پر عمل ہے ان تینوں حقوق کی ادائیگی کے بعد چوتھے نمبر پر ترکہ کے اموال مرحوم کے ورثاء کے درمیان تقسیم کرنے کا مرحلہ آتا ہے ، لہذا ان حقوق متقدمہ علی المیراث کی ادائیگی سے قبل مرحوم کا ترکہ تقسیم کرنا درست نہیں ، ورنہ ان حقوق کی ادائیگی ورثاء کی طرف ان کے حصص کے مطابق منتقل ہو جائے گی،اور ہر شخص کے ذمہ اپنے حصہ کے بقدر اس کی ادائیگی لازم ہوگی۔
وفي حاشية ابن عابدين: وإن كان عليه دين إلا أن يكون الغرماء قد قبضوا التركة، فلا يسترد منهم وإن كان قد قسم ماله، فعل كل وارث بقدر نصيبه دون الغرماء،الخ (کتاب الفرائض ،ج:6 ص: 760 ناشر :سعید )
وفیہ ایضاً: (قوله بتجهيزه) وكذا تجهيز من تلزمه نفقته، كولد مات قبله ولو بلحظة وكزوجته، ولو غنية على المعتمد در منتقى. اھ ( کتاب الفرائض ،ج:6 ص:759 ناشر :سعید )
وفی الہندیۃ: التركة تتعلق بها حقوق أربعة: جهاز الميت ودفنه والدين والوصية والميراث. فيبدأ أولا بجهازه وكفنه وما يحتاج إليه في دفنه بالمعروف، كذا في المحيط الخ(الباب الثانی فی ذوی الفروض،ج:6 ص:447 ناشر:ماجدیہ)
وفیہا ایضاً: يقدم دين الصحة إذا كان دين المرض ثبت بإقرار المريض، وأما ما ثبت بالبينة أو بالمعاينة فهو ودين الصحة سواء، كذا في المحيط ثم تنفذ وصاياه من ثلث ما يبقى بعد الكفن والدين إلا أن تجيز الورثة أكثر من الثلث ثم يقسم الباقي بين الورثة على سهام الميراث، وهذا إذا كانت الوصية بشيء بعينه، الخ(الباب الثانی فی ذوی الفروض،ج:6 ص:447 ناشر:ماجدیہ)
جنازے کے ساتھ چالیس قدم چلنے والی بات-نماز کے اندر زبان کو حرکت دیے بغیردل دل میں قراءت کرنا
یونیکوڈ تجہیز و تکفین 0زوجین میں سے کسی ایک کے انتقال کی صورت میں ، دوسرےکا اس کی میت کو دیکھنا ،چھونا یا دفنانا
یونیکوڈ تجہیز و تکفین 0انتقال کے بعد میاں بیوی کا ایک دوسرے کا منہ دیکھنے اور ایک دوسرے کو غسل دینے کا حکم
یونیکوڈ تجہیز و تکفین 2