السلام علیکم ! جناب! مجھے اسلامی نقطۂ نظر سے ایک مسئلہ کا حل بتادیں ، جناب! میرا سوال یہ ہے کہ میں ایک لڑکی کو پسند کرتا ہوں اور اس سے نکاح کا ارادہ بھی رکھتا ہوں ، پر لڑکی کے ننھیال والے قادیانی جماعت سے تعلق رکھتے ہیں ، لڑکی کی والدہ کی شادی مسلمان گھر میں ہوئی ہے ، اور لڑکی کے والد نے لڑکی کی والدہ سے شادی کسی قاری کے کہنے پر ان کو مسلمان کرکے کلمہ پڑھایا ، جس سے لڑکی کی والدہ کا تعلق قادیانی جماعت سے نہیں رہا ، وہ مسلمانوں کی طرح زندگی گزار رہے ہیں ، اور اپنے بہن بھائیوں سے صرف ایک رشتہ ہونے کے تعلق سے ملتے ہیں اور ایک دوسرے سے قادیانی جماعت کا ذکر بھی نہیں کرتے ہیں ۔ کیا میں لڑکی سے نکاح کرسکتا ہوں ؟ اور جب میں لڑکی سے نکاح کروں تو مجھ پر کیا ذمہ داریاں لاگو ہوتی ہیں ؟ اور کون سی پابندیا ں لگتی ہیں ؟ تو میں یہ چاہتا ہوں کہ میرے اس مسئلہ کی اصلاح کی جائے کیونکہ میں اس مسئلہ کو لیکر بہت پریشان ہوں کہ کہیں دائرۂ اسلام سے خارج نہ ہوجاؤں اور مسلم عقیدے سے باہر نہ ہوجاؤں۔شکریہ
واضح ہو کہ قادیانی باجماعِ امت دائرۂ اسلام سے خارج ، کافر و زندیق ہیں ،ان سے شادی وغیرہ جیسے تعلقات اختیار کرنا شرعاً ناجائز و حرام ہے ، جس سے اجتناب لازم ہے ۔ لیکن اگر کوئی قادیانی اپنے باطل عقائد سے توبہ تائب ہوکر بصدقِ دل دائرۂ اسلام میں داخل ہوجائے تو ایسی صورت میں اس پر باقی مسلمانوں والے احکامات لاگو ہونگے، اور دیگر تعلقات کے ساتھ ساتھ ان کے ساتھ شادی بیاہ کے تعلقات قائم کرنا بھی شرعاً جائز ہوگا۔ لہذا صورتِ مسئولہ میں جب اس لڑکی کی والدہ نے قادیانیت چھوڑ کر اسلام قبول کرنے کے بعد مسلمان شخص سے شادی کی اور اس کے بعد سے اب تک اس نے مخالف اسلام یا قادیانیت کے حق میں کوئی عمل نہیں کیا اور اس کی اولاد بھی مسلمان ہو تو ان سے شادی بیاہ و دیگر تعلقات شرعاً جائز ہیں ۔
ائمہ مساجد کا میڈیا ذرائع کی بنیاد پر حکومت کے خلاف بیان دینا غیبت ہے یا تہمت؟-سرکاری ملازم کی چھٹیوں کے احکام
یونیکوڈ ملازمت 0محلہ والوں کا امام صاحب کے ساتھ کنٹریکٹ کرنا اور معاہدہ مکمل ہونے کے بعد اس کو بلا عذر نکالنے کا حکم
یونیکوڈ ملازمت 0تنخواہ کی رقم سے کچھ پیسے کاٹنا اور ملازمت ختم ہونے کے بعد پینشن کے طور پر لے کر استعمال کرنا
یونیکوڈ ملازمت 0