اسلامی بینکوں میں سرمایہ کاری کا حکم

السلام علیکم ورحمۃ اللہ وبرکاتہ! براہ کرم مجھے میرے سوالات کے جوابات فراہم کریں اور میری رہنمائی کریں کہ کیا میں مذکورہ بینکوں/ اداروں میں سرمایہ کاری کرنے کے لیے آگے بڑھ سکتا ہوں ،میزان بینک ،پاک قطر تکافل ، بینک اسلامی، ریان بینک (دنیا بھر میں انگلینڈ میں مقیم) اور پاکستان اور عالمی دنیا میں دیگر اسلامی بینک،کیا اوپر کے بینکوں میں یا اسی طرح کے کسی بینک میں سرمایہ کاری کرنے میں کوئی اسلامی مسئلہ ہے؟ خاص طور پر میزان بینک اور پاک قطر تکافل کے لیے ۔

الجوابُ حامِدا ًو مُصلیِّا ً

واضح ہو کہ کسی بھی کاروباری یا ادارے کے نام کے ساتھ فقط اسلامی لفظ کا اضافہ کرنے سے وہ کام شرعی ضابطوں کے مطابق نہیں ہو جاتا الا یہ کہ اس کاروبار کا مکمل طریقہ کار شرعی ضابطوں سے ہم آہنگ کرکے اس کا عملی پہلو بھی باقاعدہ مستند مفتیان کرام پر مشتمل شریعہ بورڈ کی زیر نگرانی شرعی اصولوں کے مطابق انجام دیا جارہاہو ،لہذا دنیا بھر میں جو بھی کاروبار یا ادارہ اس ضابطہ کے تحت آرہا ہو تو اس کے ساتھ کاروبار میں سرمایہ کاری کی شرعاً اجازت ہوگی ، ورنہ نہیں ،جبکہ ہماری معلومات کے مطابق میزان بینک اور پاک قطر فیملی تکافل کے تمام معاملات فی الحال مستند مفتیان کرام پر مشتمل شریعہ بورڈ کے زیر نگرانی سرانجام دئے جارہے ہیں ، لہذا جب تک ان کا عملی پہلو بھی شرعی ضابطوں کے عین مطابق ہو تو ان کے ساتھ سرمایہ کاری کی اجازت ہے۔