مفتی صاحب! الوہابیہ کون ہیں؟ اور علماء محمد ابن عبد الوہاب نجدی کے بارے میں کیا رائے رکھتے ہیں؟ کیا وہ اہلِ سنت میں شامل ہوتے ہیں یا نہیں؟
فرقہ وہابیہ کی ابتداء محمد بن عبدالوہاب نجدی سے ہوئی ، یہ شخص حنبلی مذہب رکھتے تھے، موحد اور شرک و بدعت کے سخت مخالف تھے ، مگر مزاج میں سختی زیادہ تھی، ان کے بعض نظریات ائمہ اربعہ سے مختلف تھے، اس جماعت نے اس وقت کی سعودی حکومت پر قبضہ کرنا چاہا تھا ، حکومت نے مقابلہ کر کے 1233ھ میں اس کو شکست دی ، وہ جماعت چونکہ بہت بدنام ہو چکی تھی ، اس وجہ سے انگریز نے علماءِ دیوبند کو بدنام کرنے کے لیے لفظ ’’وہابی‘‘ ان کے لیے ایجاد کیا اور کہا کہ ان کا تعلق بھی محمد بن عبدالوہاب نجدی سے ہے، حالانکہ یہ سب محض پروپیگنڈہ اور فراڈ تھا۔اھ (ماخوذ از کفایت المفتی 1/203 و فتاویٰ محمودیہ 1/230) ۔