بینک کے کسٹمرز کی تصدیق کرنے والی کمپنی کی ملازمت کا حکم

میں جس آرگنائزیشن میں کام کرتا ہوں، وہ بینک کے ساتھ منسلک ہے ، اور اس کا کام بینک سے معاہدہ کرنا ہے ، یعنی وہ بینک کے ساتھ منسلک ہے ، اور بینک پراپرٹی کے عوض سود پر قرض دیتا ہے، اور ہماری کمپنی کسٹمر کی آن لائن تصدیق کرتی ہے ، اور میرا کام آن لائن ڈیٹا انٹری کا ہے، تو کیا میں جو کام کرتا ہوں یہ بھی سود کی کمائی میں آئے گا؟

الجوابُ حامِدا ًو مُصلیِّا ً

سائل کی ملازمت کا تعلق اگر براہ راست سودی لین دین یا اس کے ریکارڈ مرتب کرنے کے ساتھ نہ ہو ، بلکہ سائل کا کام فقط آن لائن ڈیٹا انٹری کرنے کا ہو، تو ایسی صورت میں سائل کے لیے مذکور ملازمت اختیار کرنے اور اس سے حاصل شدہ آمدنی کو اپنے استعمال میں لانے کی گنجائش ہو گی، لیکن اگر اس کے علاوہ کوئی اور ذریعہ آمدن تلاش کر کے اختیار کیا جائے تو زیادہ بہتر ہے۔

مأخَذُ الفَتوی

و في تكملة فتح الملهم: عن جابر قال لعن رسول الله صلى عليه وسلم آكل الربا وموكله وكاتبه وشاهده وقال من سواء ؛ قال الشيخ وقوله صلى الله عليه وسلم وكاتبه لان كتابة الربا اعانة عليه ومن هنا ان التوظف في البنوك الربوية لا يجوز، فان كان عمل المؤظف في البنك ما يعين على الربا كالكتابة أو الحساب فذلك حرام لوجهين الأول اعانة على المعاصية والثانى اخذ الأجرة من المال الحرام، فان معظم دخل البنوك حرام مستجلب بالربا واما اذا كان العمل لا علاقة له بالربا، فانه حرام للوجه الثاني فحسب فاذا وجد بنك معظم دخله حلال جاز فيه التؤظف للنوع الثاني من الاعمال اھ (۱/619)