بچہ دانی نکالنے کے بعد ہرماہ آنے والا خون حیض شمارہوگا یا نہیں؟

میری بیٹی کو دو سال پہلے درد شروع ہوا چیکپ کروانے پر معلوم ہوا کہ حیض کا درد ہے اور بچہ دانی شرمگاہ کے متصل نہیں ہے، اس لئے بچہ دانی نکال دیا گیا، لیکن اگلے ماہ پھر درد شروع ہوا کہ یہ خون یا تو سروکس نامِ عضو سے آرہاہے یا پھر بچی کے پاس دو بچہ دانی تھیں، ڈاکٹروں کو کنفرم (متحقق) نہیں ہے بچی کاپیشاب نکلنے کا طریقہ بھی نارمل نہیں، پھر ڈاکٹروں نے پیٹھ میں ایک سوراخ کرکے پائپ اندر ڈال دی ہے جس سے ہر ماہ درد ہونے پر خون سرنچ کے ذریعے کھینچ لیتے ہیں، یہ خون پانچ دن آتا ہے اور باقی دن سفید گاڑھا پانی آتا ہے، کیا یہ حیض کے حکم میں ہوگا ؟نماز، روزہ کا کیا کرے؟ لڑکی کی عمر سولہ سال ہے۔

الجوابُ حامِدا ًو مُصلیِّا ً

ڈاکٹر حضرات کی تحقیق سے اگر یہ معلوم ہوجائے کہ ان پانچ دنوں میں آنے والا خون رحم سے آرہاہے،تب تو یہ حیض کا خون شمار ہوگا اور احکام بھی ان ایام میں متاثر ہوں گے، تاہم اگر یہ خون رحم سے نہ آرہاہے ہو تو یہ حیض شمار نہ ہوگا اور نہ ہی اس خون سے احکام متاثر ہوں گے۔

مأخَذُ الفَتوی

کما فی الدر: باب الحیض (هو) لغه: السیلان وشرعًا علی القول بانه من الاحداث مانعة شرعیة بسبب الدم المذکور (الٰی قوله) (دم من رحم) الخ. (۱/ ۲۸۳)
وفی الهدایة: وما تراه المرأة من الحمرة والصفرة الکدرة حیض حتی تری البیاض خالصا الخ. (۱/ ۳۶)
وفی التنویر الابصار: (واقله ثلاثة ایام بلیالیها واکثره عشرة الخ. (۱/ ۲۸۴)
کما وفی الدر المختار: (یمنع صلاة).... (وصوما) وجماعًا (وتقضیه) لزومًا وفی الشامیة تحت (قوله وتقضیه) أی الصوم الخ. (۱/ ۲۹۱) واللہ اعلم بالصواب!