آپریشن کے بعد آنے والا خون حیض کا ہوگا یا استحاضہ کا؟

السلام علیکم! مفتی صاحب ایک خاتون کا آپریشن ہواہے کہ شرمگاہ میں گوشت کا ایک زائد ٹکڑا تھا، جس کو ڈاکٹر نے ہٹایا ہے، اسے ڈاکٹر اپنی زبان میں ویگینل سپٹم (Vaginal Septum) کہتے ہیں ،آپریشن کے بعد سے اسے خون آرہاہے جیسے ۲۴ دسمبر کو آپریشن ہوا اور اس کی حیض کی تاریخ 8 جنوری ہے، تو وہ خون آنا حیض ہے یا استحاضہ یا معذور؟ اس کے نماز کا اور قرآن پاکی تلاوت کا کیا حکم ہے؟

الجوابُ حامِدا ًو مُصلیِّا ً

واضح رہے کہ حیض کا تعلق اس خون کے ساتھ ہوتاہے جو بچہ دانی (رحم) سے آئے ،لہذاصورت مسئولہ میں اگر یہ خون آپریشن کے زخم سے آرہاہے (جیسا کہ بظاہر یہی معلوم ہوتاہے اور مزید معلومات ڈاکٹر حضرات سے لی جائیں تو اس صورت میں معذور کے احکام لاگو ہوں گے، تاہم ماہواری کے ایام شروع ہوجائیں اور یہ معلوم نہ ہو کہ یہ خون زخم کا ہے یا حیض کا تو ایسی صورت میں اس خون کو عادت کے ایام میں حیض شمار کیا جائے گا اور احکام بھی متاثر ہوں گے۔

مأخَذُ الفَتوی

کما فی الدر المختار: (ودم استحاضة) حکمه (کرعاف دائم) وقتا کاملا (لا یمنع صوما وصلاة) ولو نفلا (وجماعا) لحدیث ’’توضی وصلی وإن قطر الدم علی الحصیر‘‘. (۱/ ۲۹۸)
وفی الشامیة: تحت (قوله لا یمنع صومًا الخ) ای ولا قراءة ومس مصحف ودخول مسجد، وکذا لا تمنع عن الطواف إذا امنت من اللوث، قهستانی عن الخزانة (۱/ ۲۹۸)
وفی الدر المختار: (وصاحب عذر من به سلس) بول لا یمکنه امساکه (أو استطلاق بطن أو انفلات أو استحاضة) (إلٰی قوله) (ان استوعب عذره تمام وقت صلاة مفروضة) بأن لا یجد فی جمیع وقتها زمنا یتوضأ ویصلی فیه خالیا عن الحدث (ولو حکمًا) لأن الإنقطاع الیسیر ملحق بالعدم (إلٰی قوله) وحکمه الوضوء) لا غسل ثوبه ونحوه (لکل فرض) اللام للوقت کما فی لدلوك الشمس (ثم یصلی) به (فیه فرضا ونفلا) فدخل الواجب بالأولٰی (فإذا خرج الوقت بطل) أی ظهر حدثه السابق، حتی لو توضا علی الانقطاع ودام إلی خروجه لم یبطل بالخروج مالم یطرأ حدث آخر أو یسیل کمسألة مسح خفه (الخ) (۱/ ۳۰۶) واللہ اعلم!