کسی ڈائریکٹر کا ایک ملازم کو توجہ دے کر باقی کو نظر انداز کرنا

ہمارے دفتر میں ایک ڈائریکٹر ہیں ، جن کے نیچے 4،3 ڈیپارٹمنٹ کام کرتے ہیں، ان ڈائریکٹر کا جھکاؤ بہت واضح طور پر اس ایک ڈیپارٹمنٹ کی طرف ہے، جس میں وہ خود بھی کام کرچکے ہیں ، جبکہ باقی ڈیپارٹمنٹس کے بارے میں انہیں ابھی پورا معلوم بھی نہیں کہ وہ کیا کیا کرتے ہیں، اخلاقی اعتبار سے وہ بہت اچھے ہیں ، اس بات کو باقی ڈیپارٹمنٹ یہاں تک کہ ان کے نیچے نہ آنے والے لوگ بھی محسوس کرتے ہیں ۔

الجوابُ حامِدا ًو مُصلیِّا ً

مذکور ڈائریکٹر کے ایک ڈیپارٹمنٹ کی طرف توجہ دیکر دیگر ماتحت ڈیپارٹمنٹس کو نظر انداز کرنے سے اگر ان کی حق تلفی ہوتی ہو، تو ایسا کرنا ناجائز اور گناہ ہے، ان کو چاہئیے کہ تمام ڈیپارٹمنٹس کو ان کی ضرورت کے مطابق توجہ دے تاکہ مؤاخذۂ دنیوی واخروی سے سبکدوشی حاصل ہوسکے۔

مأخَذُ الفَتوی

کما فی مرقاۃ المفاتیح : (وَعَنْ عَبْدِ اللَّهِ بْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَلَا) لِلتَّنْبِيهِ ( «كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ» ) . فِي النِّهَايَةِ الرَّعِيَّةُ كُلُّ مَنْ شَمِلَهُ حِفْظُ الرَّاعِي وَنَظَرُهُ ( «فَالْإِمَامُ الَّذِي عَلَى النَّاسِ رَاعٍ وَهُوَ مَسْئُولٌ عَنْ رَعِيَّتِهِ» ) يُقَالُ: رَعَى الْأَمِيرُ الْقَوْمَ رِعَايَةً فَهُوَ رَاعٍ ; أَيْ قَامَ بِإِصْلَاحِ مَا يَتَوَلَّاهُ، وَهُمْ رَعِيَّةٌ فَعِيلَةٌ بِمَعْنَى مَفْعُولٍ، وَدَخَلَتِ التَّاءُ لِغَلَبَةِ الِاسْمِيَّةِ (6/2402 رقم الحدیث 3685 )۔