حیض کے دنوں میں مسجد حرام اور مسجد نبوی جانا

محترم مفتی صاحب!
(۱)۔ برائے مہربانی ایام حیض کے بارے میں تفصیل بتائیں؟
(۲)۔ عورت کیلئے ایامِ حیض میں مسجد حرام اور مسجد نبوی میں جانا جائز ہے یا نہیں؟
(۳)۔ اگر کوئی عورت ایام حیض میں سے چھ دن گزرنے کے بعد بہتری محسوس کرے اور خون نہ ہو، وہ غسل کرکے مسجد نبوی آئی اور رات کو اس نے دوبارہ خون دیکھا تو یہ عورت اب کیا کرے؟
براہ مہربانی قرآن وسنت کی روشنی میں اردو انگلش میں تفصیل سے جواب دیں۔

الجوابُ حامِدا ًو مُصلیِّا ً

(۱)۔ حیض کی کم از کم مدت تین دن تین راتیں، اور زیادہ سے زیادہ مدت دس دن، دس راتیں ہیں۔
(۲)۔ اس دوران عورت کا مسجد حرام، مسجد نبوی یا کسی بھی مسجد میں جانا جائز نہیں ہے، جس سے احتراز لازم ہے۔
(۳)۔مذکورہ عورت کا حیض ختم نہیں ہوا تھا، لہٰذا ایام حیض میں مسجد جانے پر استغفار کرے اور اس پر حائضہ کے احکام جاری ہوں گے، البتہ پہلے بند ہوجائے تو تمام دن حیض کے شمار ہوں گے اور اگر خون دس دن سے تجاوز کرے، تو چھ دن کے بعد سے شروع ہونے والا سارا خون استحاضہ کا شمار ہوگا، لہٰذا ن دونوں کی نمازوں کی قضا کرے۔

مأخَذُ الفَتوی

کما فی الهدایة: أقل الحیض ثلٰثة ایام ولیالیها (إلی قوله) لقوله علیه السلام أقل الحیض للجاریة البکر والثیب ثلٰثة ایام ولیالیها واکثره عشرة ایام. (۱/ ۶۲)
وفیه ایضًا: ولا تدخل المسجد وکذا الجنب لقوله علیه السلام: فإنی لا أحل المسجد لحائض ولا جنب. اھ (۱/ ۶۴)
وفی رد المحتار: تحت (قوله بالساعات) ثم اعلم أنه لا یشترط استمرار الدم فیها بحیث لا ینقطع ساعة لأن ذلك لا یکون الّا نادرًا. (۱/ ۲۸۴)
وفی العنایة: تحت (قوله ولو زاد الدم علی العشرة) وأما إذا زاد علی عادتها المعروفة دون العشرة فقد اختلف المشائخ (إلی قوله) وقال مشائخ بخارا: لا تؤمر بالاغتسال والصلوة (الٰی) فإن جاوزت العشرة أمرت بقضاء ما ترکت من الصلٰوة بعد أیام عادتها فی المجتبٰی وهو الأصح اھ . (۱/ ۱۷۶، ۱۷۷) واللہ اعلم!