آفس ٹائم کے دوران کھانے پینے اور نمازوں کی ادائیگی میں خرچ وقت کی تلافی کا حکم

برائے مہربانی آفس ٹائم کے دوران ادا کیے گئے نمازوں کے متعلق جواب دیجیے، کیا یہ ضروری ہے کہ آفس ٹائم کے دوران نماز ادا کرنے میں جووقت خرچ ہو اس کی تلافی کی جائے؟ میرا آفس ٹائم کا دورانیہ ۸ گھنٹے اور ۴۵ منٹ ہیں، جس میں ہم سے کم از کم ایک دن میں ۸ گھنٹے پورے کرنے کا مطالبہ ہوتا ہے اور یہ بات بھی ذہن میں رہے کہ ایک گھنٹہ کھانےکا وقفہ پوری دنیا میں آفس ٹائم کے دوران ہوا کرتا ہے، جس میں غیر مسلم ممالک بھی شامل ہیں، لہٰذا اگر کوئی پھر بھی اس کی تلافی کرنا چاہے، برائے مہربانی اس کی وضاحت کریں۔

الجوابُ حامِدا ًو مُصلیِّا ً

واضح ہو کہ آفس ٹائم کے دوران کھانے پینے اور نمازوں کی ادائیگی کے لیے وقفہ عرفاً شامل ہوتا ہے، اس لیے قانوناً یا شرعاً بھی ان کی تلافی کی ضرورت نہیں، اس لیے سائل کو بلاوجہ پریشان ہونے کی ضرورت نہیں، البتہ اگر سائل کی کمپنی کا مالک اگر واقعۃً اپنے ملازمین کو ان وقفوں کی تلافی پر مجبور کرتا ہو تو اس صورت میں اولاً بہتر ہے کہ ان کی تلافی کی جائے اور ثانیاً یہ کوشش کی جائے کہ ادائیگی نماز کے وقت نوافل وغیرہ کا اہتمام نہ کیا جائے، بلکہ صرف فرض، واجب اور سنن نماز کی ادائیگی کی جائے اگر پھر بھی وہ تلاوفی پر مجبور کرے تو وہ قانونا مجرم ہے، جس سے علیحدگی بھی کی جا سکتی ہے۔

مأخَذُ الفَتوی

ففی حاشية ابن عابدين: (قوله وليس للخاص أن يعمل لغيره) بل ولا أن يصلي النافلة. قال في التتارخانية: وفي فتاوى الفضلي وإذا استأجر رجلا يوما يعمل كذا فعليه أن يعمل ذلك العمل إلى تمام المدة ولا يشتغل بشيء آخر سوى المكتوبة وفي فتاوى سمرقند: وقد قال بعض مشايخنا له أن يؤدي السنة أيضا. واتفقوا أنه لا يؤدي نفلا وعليه الفتوى. (6/ 70)