کیا فرماتے ہیں علماء کرام و مفتیان عظام اس مسئلہ کے بارے میں کہ عبداللہ کے دو ڈھائی سال ہو گئے شادی کو، شادی سے لے کر ابھی تک لڑائی جھگڑے چل رہے ہیں، عبداللہ کی اپنی بیوی کے ساتھ ، عبداللہ کی بیوی نے اس کو کئی بار بولا : مجھے طلاق دے دے ، وہ جواب میں اپنی بیوی کو کہتا ہے، میرے طرف سے آپ کو اجازت ہے، بیوی جب بھی طلاق کا مطالبہ کرتی تو وہ کہتا کہ میرے طرف سے آپ کو اجازت ہے، اب معلوم یہ کرنا ہے کہ ایسی صورت میں طلاق واقع ہوئی ہے یا نہیں؟ براہ کرم شرعی رہنمائی فرمائیں۔
صورت مسئولہ میں شوہر مسمیٰ عبداللہ نے اپنی بیوی کے مطالبۂ طلاق کے جواب میں اگر صرف یہ الفاظ "میری طرف سے آپ کو اجازت ہے" کہےہوں اس کے علاوہ کوئی لفظ استعمال نہ کیا ہو، اور ان الفاظ سے مستقل طلاق کی نیت بھی نہ کی ہو تو ان الفاظ سے مسمیٰ عبداللہ کی بیوی پر کوئی طلاق واقع نہیں ہوئی،بلکہ میاں بیوی کا نکاح بدستور برقرار ہے،تاہم آئندہ کے لیے میاں وبیوی کو اس طرح طلاق کے متعلق بحث ومباحثہ کرنے سے احتراز واحتیاط چاہیئے،تاکہ مستقبل میں ندامت وپریشانی کا سامنا نہ ہو۔
کما فی الدر المختار مع التنویر الابصار: هو) (رفع قيد النكاح في الحال) بالبائن (أو المآل) بالرجعي (بلفظ مخصوص) هو ما اشتمل على الطلاق، (کتاب الطلاق، ج: ٣، ص: ٢٢٧، مط: سعيد)
وفيه أيضاً: وركنه لفظ مخصوص خال عن الاستثناء،
و في رد المحتار تحت(قوله وركنه لفظ مخصوص) هو ما جعل دلالة على معنى الطلاق من صريح أو كناية فخرج الفسوخ على ما مر، وأراد اللفظ ولو حكما ليدخل الكتابة المستبينة وإشارة الأخرس والإشارة إلى العدد بالأصابع في قوله أنت طالق هكذا كما سيأتي،( (کتاب الطلاق، رکن الطلاق، ج:٣، ص:٢٣٠، مط: سعید
وفی الہندیۃ: ولو قالت أنا طالق فقال نعم طلقت ولو قاله في جواب طلقني لا تطلق وإن نوى (کتاب الطلاق، الفصل الأول في الطلاق الصريح، ج: ١، ص: ٣٥٦، مط: ماجدية)
وفي البحر الرائق: وفي البزازية قالت له أنا طالق فقال نعم طلقت ولو قالت طلقني فقال نعم لا، وإن نوى اهـ(كتاب الطلاق، باب الطلاق الصريح، ج: ٢، ص: ٢٥٥، مط: رشيدية).