فتوی نمبر : 41326
واٹس اپ کی ریکارڈنگ کے ذریعے طلاق

واٹس اپ کی ریکارڈنگ کے ذریعے طلاق

میرے شوہر نے مجھے واٹس اپ کی ریکارڈنگ کے ذریعے طلاق دی ہے، جس کا میرے پاس ثبوت بھی ہے، لیکن اب وہ مان نہیں رہا ہے، وہ کہہ رہا ہے کہ میں نشہ میں تھا، میں نے ایک دو اور جگہ سے بھی زبانی پتہ کروایا ہے مفتی صاحب سے، سب نے بتایا کہ طلاق واقع ہو گئی ہے، مجھے تحریری فتوی چاہیے، پلیز میری رہنمائی فرما دیں۔

الجوابُ حامِدا ًو مُصلیِّا ً

سائلہ کا بیان اگر واقعۃً درست اور مبنی برحقیقت ہو اس طور پر کہ سائلہ کے شوہر نے وائس میسج کے ذریعے اسے طلاق دیدی ہو، اگرچہ اس وقت وہ نشہ کی حالت میں تھا تب بھی سائلہ پر بذریعہ وائس میسج دی گئی طلاق واقع ہو چکی ہے، چنانچہ سائلہ کے شوہر نے اس میسج میں تین طلاقیں دی ہوں تو تین ورنہ جتنی دی ہوں اتنی طلاقیں واقع ہو جائیں گی۔

مأخَذُ الفَتوی

کمافی الفتاوى الهندية: وطلاق السكران واقع إذا سكر من الخمر أو النبيذ. وهو مذهب أصحابنا رحمهم الله تعالى كذا في المحيط(1/ 353)
وفی بدائع الصنائع: وأما السکران إذا طلق امرأتہ فإن کان سکرہ بسبب محظور بأن شرب الخمر أو النبیذ طوعا حتی سکر وزال عقلہ فطلاقہ واقع عند عامۃ العلماء وعامۃ الصحابۃ – رضی اللہ عنہم – (۳/۹۹)