قرض

اب میں یہ قرض قیامت کے دن لو ں گا کہنے سے قرض معاف ہوجائے گا؟

فتوی نمبر :
96033
| تاریخ :
2026-06-04
معاملات / مالی معاوضات / قرض

اب میں یہ قرض قیامت کے دن لو ں گا کہنے سے قرض معاف ہوجائے گا؟

السلام علیکم ورحمۃ اللہ وبرکاتہ! میرا ایک شرعی مسئلہ ہے۔ میں نے ایک شخص کو 2020 میں کچھ رقم قرض دی تھی۔ اس وقت یہ طے ہوا تھا کہ کووڈ کے بعد جب حج دوبارہ کھل جائے گا تو وہ میرا قرض واپس کر دے گا، کیونکہ میں نے ان پیسوں سے اپنے والدین کو حج پر بھیجنا تھا۔ لیکن آج 2026 آ چکا ہے اور اس شخص نے میرا قرض واپس نہیں کیا۔ میں نے کئی مرتبہ تقاضا کیا، مگر وہ مسلسل ٹال مٹول کرتا رہا۔ حالانکہ وہ اس دوران کبھی نئی گاڑی خرید لیتا ہے اور کبھی نئی موٹر سائیکل، اور بظاہر اس کے پاس مالی استطاعت بھی موجود ہے، لیکن پھر بھی میرا قرض ادا نہیں کر رہا۔ دوسری طرف، میں انہی پیسوں کو اپنا قابلِ وصول قرض سمجھ کر ان پر زکوٰۃ بھی ادا کرتا رہا ہوں، اس امید پر کہ شاید کبھی واپس مل جائیں۔ میں اس معاملے میں بہت پریشان اور ذہنی دباؤ کا شکار ہو چکا ہوں۔ میرا سوال یہ ہے کہ اگر میں اس شخص سے یہ کہہ دوں: "اب میرا اور تمہارا معاملہ اللہ تعالیٰ کے حوالے ہے، مجھے تم سے یہ قرض نہیں چاہیے، اب میں یہ حق قیامت کے دن ہی لوں گا۔ میرا اور تمہارا معاملہ اللہ تعالیٰ کے حوالے ہے" تو کیا اس سے قرض معاف شمار ہو جائے گا؟ اور اگر بعد میں وہ شخص یہ رقم واپس دینے کی کوشش کرے، یا میرے انتقال کے بعد میری اولاد کو ادا کرنا چاہے، تو کیا قیامت کے دن میں اس سے اپنے حق کا مطالبہ کر سکوں گا یا نہیں؟ براہِ کرم قرآن و سنت کی روشنی میں رہنمائی فرما دیں۔ جزاکم اللہ خیراً۔

الجوابُ حامِدا ًو مُصلیِّا ً

واضح ہو کہ صاحبِ استطاعت مقروض کا قرض کی ادائیگی میں بلاعذر ٹال مٹول کرنا شرعاً ناجائز، گناہ اور ظلم ہے، لہٰذا صورتِ مسئولہ میں مذکور مقروض شخص کا قرض ادا کرنے کی استطاعت رکھنے کے باوجود قرض ادا نہ کرنا اور اس کی ادائیگی میں ٹال مٹول کرنا شرعاً ناجائز اور گناہ ہے،البتہ سائل کا مذکور جملہ" اب میرا اور تمہارا معاملہ اللہ تعالیٰ کے حوالے ہے،الخ “کہنے کی وجہ سے اس شخص کے ذمہ سے سائل کاقرض معاف نہیں ہوگا، بلکہ اس کے ذمہ بدستور واجب الادا رہے گا، اور ایسی صورت میں اگر مقروض قرض ادا کردے تو سائل کے لیے اسے وصول کرنا شرعاً جائز ہوگا، اور سائل کے انتقال کے بعد اگر وہ مذکور قرض ادا کردے تو وہ ترکہ میں شمار ہوکر ورثاء کے درمیان تقسیم کیا جائے گا، اور ایسی صورت میں سائل قیامت کے دن اس سے اپنے حق کا مطالبہ تو نہیں کرسکے گا۔البتہ اس کے استطاعت کے باوجودمطالبہ پرادانہ کرنے اورسائل کو ذہنی اذیت میں مبتلارکھنے پراس کاآخرت میں مؤاخذہ ہوسکتاہے،لہذااس پرفی الفورسائل کےقرض کی ادائیگی کااہتمام کرنالازم ہے۔

مأخَذُ الفَتوی

كما في مشكاة المصابيح: وعن عن أبي هريرة أن رسول الله صلى الله عليه وسلم قال: " «مطل الغني ظلم، فإذا أتبع أحدكم على مليء فليتبع» ". متفق عليه (باب الإفلاس والانظار: الفصل الأول، ج: ٢، ص: ٨٧٨، ط: المكتب الاسلامى)
وفي مرقاة المفاتيح: (أن رسول الله صلى الله عليه وسلم قال: مطل الغني) : أي: تأخيره أداء الدين من وقت إلى وقت (ظلم) : فإن المطل منع أداء ما استحق أداؤه وهو حرام من المتمكن، ولو كان غنيا ولكنه ليس متمكنا جاز له التأخير إلى الإمكان ذكره النووي اھ (باب الإفلاس والإنظار، ج: ٥، ص: ١٩٥٦، ط: دار الفكر)
وفي الدر المختار: (و) الدين الصحيح (هو ما لا يسقط إلا بالأداء أو الإبراء) الخ (كتاب الكفالة،ج : ٥، ص: ٣٠٢. ط: سعيد)
وفي درر الحكام في شرح مجلة الاحكام: والتأخير ليس بإسقاط فإن الدائن إذا قال لمديونه: تركت لك دينك كان إبراء له ولو قال: أخرت عنك لا يكون إبراء كذا في المحيط اھ (كتاب الوصايا، ج: ٢، ص: ٤٣١، ط: دار الجيل)

واللہ تعالی اعلم بالصواب
بھائی محمد عُفی عنه
دار الافتاء جامعه بنوریه عالمیه
فتوی نمبر 96033کی تصدیق کریں
0     73
Related Fatawa متعلقه فتاوی
  • حرام آمدنی والے سے قرض لینا

    یونیکوڈ   اسکین   انگلش   قرض 4
  • حقوق العباد میں کوتاہی کی تلافی کیسے ممکن ہوگی؟

    یونیکوڈ   اسکین   قرض 0
  • کیاشہادت کی وجہ سے قرض بھی معاف ہوجاتاہے؟

    یونیکوڈ   قرض 0
  • ریال میں دیا ہوا قرض کس کرنسی میں واپس کرنا ہوگا؟

    یونیکوڈ   قرض 0
  • مقروض شخص کا کاروبار میں پیسہ لگانے کا حکم

    یونیکوڈ   قرض 0
  • میت پر قرض کا دعوی کرنا

    یونیکوڈ   قرض 0
  • میزان بینک سے ہوم فائنانس اسکیم کا حصہ بننا جائز ہے ؟

    یونیکوڈ   قرض 1
  • ایزی پیسہ سے قرض لینے کا حکم

    یونیکوڈ   قرض 3
  • بچت کمیٹی کی ادائیگی کی تاخیر پر جرمانہ کی رقم کا حکم

    یونیکوڈ   قرض 0
  • ریال میں دیا ہوا قرض پاکستانی کرنسی میں واپس کرنے کے مطالبہ کا حکم

    یونیکوڈ   قرض 0
  • ایزی پیسہ لون کا حکم

    یونیکوڈ   قرض 2
  • قرض کی ادائیگی کو دوسرے ملک کی کرنسی سے مشروط کرنا

    یونیکوڈ   قرض 0
  • چائنیز کرنسی میں قرض دیکر پاکستانی کرنسی سے وصول کرنا

    یونیکوڈ   قرض 0
  • قرض کی ادائیگی تک دکان کا کرایہ مانگنا

    یونیکوڈ   انگلش   قرض 0
  • کریڈٹ کارڈ پر واجب الادا قرض نہ لوٹانے کا حکم

    یونیکوڈ   قرض 0
  • قرض کی مدت پوری ہونے پر, قرضخواہ کا مقروض کے کاروبار میں, خود کو شریک سمجھ کر نفع کا مطالبہ کرنا

    یونیکوڈ   قرض 0
  • مروجہ کرنسی کا حکم

    یونیکوڈ   قرض 0
  • قرض کی واپسی کو کسی اور چیز کے ساتھ معلق کرنا

    یونیکوڈ   قرض 0
  • When returning Dirhams obtained, on a later date, What is the rate applicable to repay??

    یونیکوڈ   انگلش   قرض 0
  • اولاد باپ کو انکی زندگی میں جو کچھ بھی دے اگر قرض کی تصریح نہ ہو تو اس کا حکم

    یونیکوڈ   قرض 0
  • پراویڈنٹ فنڈ کی مد میں قرض لے کراضافہ کے ساتھ لوٹانا

    یونیکوڈ   قرض 0
  • ریال کو پاکستانی کرنسی میں تبدیل کر کے قرض دینے کے بعد مقروض سے ریال کا مطالبہ کرنا

    یونیکوڈ   قرض 0
  • قرض معاف کرنے کے بعد اس کا تقاضہ کرنا

    یونیکوڈ   انگلش   قرض 0
  • ساس سسر کا بہو سے حق مہر میں دیا گیا سونا لے کر فروخت کرنا

    یونیکوڈ   قرض 0
  • وزیر اعظم کے یوتھ پروگرام کے تحت قرضہ لینے کا حکم

    یونیکوڈ   قرض 0
Related Topics متعلقه موضوعات