طلاق
چھوڑدونگا کہنے سے طلاق معلق ہوگی؟
فتوی نمبر : 91477
چھوڑدونگا کہنے سے طلاق معلق ہوگی؟
معاملات / احکام طلاق / طلاق
چھوڑدونگا کہنے سے طلاق معلق ہوگی؟
السلام علیکم
کل تک مجھے مشروط طلاق کے بارے میں علم نہیں تھا۔ چند دن پہلے میں نے اپنی بیوی سے کہا کہ اگر تم بدزبانی اور فحش زبان استعمال کرتی رہو گی تو میں تمہیں چھوڑ دوں گا۔ یہ نہ تو دھمکی تھی اور نہ ہی طلاق۔ میرا یہ فیصلہ تھا کہ اگر وہ اسی طرح کرتی رہی تو میں اسے طلاق کا پیغام بھیجوں گا، اور بطور گواہ چند اور لوگوں کو بھی یہی پیغام بھیجوں گا۔ لیکن مجھے یہ یقین نہیں تھا کہ میں پہلی ہی مرتبہ ایسا کروں گا یا دو تین مرتبہ برداشت کرنے کے بعد کروں گا۔ براہِ کرم وضاحت کریں کہ آیا یہ مشروط طلاق ہے یا طلاق کا وعدہ۔ میں انتہائی الجھن میں ہوں۔
الجوابُ حامِدا ًو مُصلیِّا ً
سائل نے سوال میں جو الفاظ ذکر کئے ہیں " اگر تم بدزبانی اور فحش زبان استعمال کر تی رہو گی میں تمہیں چھوڑ دوں گا " یہ الفاظ میں چونکہ بیوی کی فحش گوئی اور بد زبانی کی صورت میں مستقبل میں اسے طلاق کی دھمکی پر مبنی ہیں اس لئے ان الفاظ سے طلاق معلق (اور مشروط ) نہیں ہو تی ،چناچہ سائل کی بیوی اگر بد زبانی کرے تو اس پر طلاق واقع نہیں ہو گی ،تاہم سائل کا بغیر سوچے سمجھے طلاق دینا یا طلاق کو کسی شرط پر معلق کرنا اسی طرح سائل کی بیوی کا بدزبانی اور فحش گوئی اختیا ر کرنا قطعاً مناسب نہیں جس سے اجتنا ب لازم ہے ۔
مأخَذُ الفَتوی
وفي عقود الدرية :صيغة المضارع لا يقع بها الطلاق إلا إذا غلب في الحال ،الخ(ج: 1 باب الطلاق ص : 38 ناشر دار المعرفۃ)
محمد زکریا الیاس عُفی عنه
دار الافتاء جامعه بنوریه عالمیه
فتوی نمبر 91477کی تصدیق کریں
Related Fatawa متعلقه فتاوی
Related Topics متعلقه موضوعات
-
970طلاقDivorce
-
181خلعKhula
-
161حلالہ اور طلاق مغلظہHalala and Irrevocable Divorce
-
133طلاق معلقہConditional Divorce
-
53رجوع طلاقRevocation of Divorce
-
50حرمت مصاهرتThe sanctity of affinity
-
36تفریق و تنسیخSeparation and Invalidation
-
12تفویض طلاقDelegating the Right to Divorce
-
4زوجہ مفقودMissing Man Wife
-
3تیممTayammum