طلاق
نشہ کی حالت میں طلاق دینے سے کیا طلاق واقع ہوجاتی ہے؟
فتوی نمبر : 86757
نشہ کی حالت میں طلاق دینے سے کیا طلاق واقع ہوجاتی ہے؟
معاملات / احکام طلاق / طلاق
نشہ کی حالت میں طلاق دینے سے کیا طلاق واقع ہوجاتی ہے؟
میرے شوہر نےمجھے نشے کی حالت میں تین مرتبہ گواہوں کی موجودگی میں طلاق دی، تو کیا طلاق ہوگئی یا نہیں؟
الجوابُ حامِدا ًو مُصلیِّا ً
واضح ہو کہ نشے کی حالت میں بھی طلاق دینے سے شرعاً طلاق واقع ہوجاتی ہے،لہذا اگرچہ سائلہ نے اس بات کی وضاحت نہیں کی کہ اس کے شوہر نے نشے کی حالت میں طلاق کے کیاالفاظ استعمال کیے ہیں ،تاکہ اس کے مطابق جواب دیا جاتا ،تاہم اگرواقعۃً سائلہ کے شوہرنے واضح الفاظ جیسے (میں تمہیں طلاق دیتا ہوں،یا میں نے تمہیں طلاق دی وغیرہ) کے ساتھ اسے تین مرتبہ طلاق د ے دی ہوتو اس سے سائلہ پر تینوں طلاقیں واقع ہوکر حرمتِ مغلظہ ثابت ہو چکی ہے ،اب رجوع نہیں ہوسکتا ،اور بغیرحلالہ شرعیہ کے دوبارہ باہم عقدِ نکاح بھی نہیں ہوسکتا،لہذا دونوں پر لازم ہے کہ فوراً ایک دوسرے سے علیحدگی اختیار کریں ،اور میاں بیوی والے تعلقات ہرگز قائم نہ کریں ،ورنہ دونوں سخت گناہ گار ہوں گے ، جبکہ سائلہ ایامِ عدت کے بعد دوسری جگہ نکاح کرنے میں بھی آزاد ہوگی ۔
مأخَذُ الفَتوی
کما فی الفتاوی الھندیۃ : طلاق السكران واقع إذا سكر من الخمر أو النبيذ . و هو مذهب أصحابنا رحمهم الله تعالى كذا في المحيط اھ (1/ 353)۔
و فیھا ایضا: إن كان الطلاق ثلاثا في الحرة و ثنتين في الأمة لم تحل له حتى تنكح زوجا غيره نكاحا صحيحا و يدخل بها ثم يطلقها أو يموت عنها كذا في الهداية اھ(1 /473)۔
حماد منظور عُفی عنه
دار الافتاء جامعه بنوریه عالمیه
فتوی نمبر 86757کی تصدیق کریں
Related Fatawa متعلقه فتاوی
Related Topics متعلقه موضوعات
-
1339طلاقDivorce
-
220خلعKhula
-
169حلالہ اور طلاق مغلظہHalala and Irrevocable Divorce
-
150طلاق معلقہConditional Divorce
-
60رجوع طلاقRevocation of Divorce
-
58حرمت مصاهرتThe sanctity of affinity
-
39تفریق و تنسیخSeparation and Invalidation
-
12تفویض طلاقDelegating the Right to Divorce
-
4زوجہ مفقودMissing Man Wife
-
3تیممTayammum