تصویر دیکھ کر ماشاء اللہ کہنا

السلام علیکم ورحمتہ اللہ وبرکاتہ!
کیا فرماتے ہیں مفتیانِ کرام اس مسئلہ کے بارے میں کہ انسان کی تصویر پر ماشاءاللہ کہنے کیاکا حکم ہے؟

الجوابُ حامِدا ًو مُصلیِّا ً

واضح ہو کہ تصویر سمیت کسی بھی چیز میں خوبصورتی یا کوئی اور صفت دیکھنے اور اس پر تعجب محسوس کرنے کے بعد "ماشاءاللہ "کے الفاظ اس لئے کہے جاتے ہیں تا کہ نظر بد سے حفاظت ہو سکے ،لہذا کسی تصویر میں خوبی دیکھنے کے بعد اگر چہ اس پر ماشاءاللہ کہنے میں حرج نہیں لیکن بعض علماءکرام کے ہاں ، چونکہ جاندار کی ڈیجیٹل تصاویر بھی تصاویر محرمہ میں شامل ہیں ، لہذا کسی بھی جاندار کی تصویر شائع کرنا اور اس پر "ماشاءاللہ "کہنے سے اجتناب بہتر ہے ۔

مأخَذُ الفَتوی

کمافی تکملہ فتح الملھم :أماالصورۃالتی لیس لھا ثبات واستقرار،ولیست منقوشۃعلی شیئ بصفۃدائمۃ،فأنھا بالظل أشبہ منھا بالصورۃ ویبدو أن صورۃ التلفزیون الفیدیو لاتستقر علی شیئ فی مرحلۃمن المراحل الا اذاکان فی صورۃ"فیلم"فان کانت صورۃالانسان حیۃ بحیث تبدو علی الشّاشۃفی نفس الوقت الذی یظھر فیہ الأنسان امام الکیمرا فان الصورۃ لاتستقر علی الشّاشۃ انما ھی أجزا کھربائیۃ تنتقل من الکیمرا الی الشّاشۃ وتظھر علیھا بترتیبھاالأصلی ، ثم تفنی وتزول الخ(ج4 ص164 ط:دارالعلوم کراچی)۔