"تیری بہن میری طرف سے تینوں دفعہ فارغ ہے" کہنے کا حکم

زید اپنی بیوی کے بھائی کو کہے کہ " تیری بہن میری طرف سے تینوں دفعہ فارغ ہے " تو اس جملے سے زید کی بیوی کو شرعی طور پر کتنی طلاقیں ہوئیں؟
نوٹ : بذریعہ فون معلوم ہوا کہ زید نے مذاکرۂ طلاق اور مطالبہ کی حالت میں یہ الفاظ کہے تھے ، لیکن زید کا کہنا ہے کہ اس نے وہ طلاق کی نیت سے مذکور الفاظ نہیں کہے ۔

الجوابُ حامِدا ًو مُصلیِّا ً

واضح ہو کہ " فارغ " کالفظ عند القرینہ طلاقِ صریح بائن کے لئے استعمال ہوتا ہے ، اس لئے مذاکرہ یا مطالبۂ طلاق کے موقع پر اپنی بیوی کو یہ الفاظ کہنے سے بلا نیت بھی ایک طلاقِ بائن واقع ہو جاتی ہے، لہذا صورتِ مسئولہ میں اگر زید نے مذاکرۂ طلاق کے موقع پر تین طلاقوں کی نیت سے اپنی بیوی کے بھائی کو مذکور الفاظ " تیری بہن میری طرف سے تینوں دفعہ فارغ ہے " کہہ دیے ہوں ، تو اس سے زید کی بیوی پر تینوں طلاقیں واقع ہو کر حرمتِ مغلظہ ثابت ہو چکی ہے ، اب رجوع نہیں ہو سکتا اور حلالۂ شرعیہ کے بغیر باہم مقد ِنکاح بھی نہیں ہو سکتا، لہذا دونوں پر لازم ہے کہ فوراً ایک دوسرے سے علیحدگی اختیار کریں اور میاں والے تعلقات ہر گز قائم نہ کریں ، ورنہ دونوں سخت گناہگار ہوں گے، جبکہ عورت ایامِ عدت گزارنے کے بعد دوسری جگہ نکاح کرنے میں آزاد ہے ، اور حلالۂ شرعیہ یہ ہے کہ عورت ایامِ عدت گزارنے کے بعد بغیر کسی شرط کے کسی دوسرے مسلمان سے اپنا عقدِ نکاح کرے ، چنانچہ اگر وہ دوسرا شخص بھی اسے ایک مرتبہ ہمبستری (جو کہ حلالۂ شرعیہ کے تحقق کے لئے ضروری ہے) کے فوراً بعد یا ازدواجی زندگی کے کچھ عرصہ بعد طلاق دیدے یا طلاق تو نہ دے ، مگر اس کا پہلے انتقال ہو جائے تو بہر صورت اس کی عدت گزارنے کے بعد اگر وہ پہلے شوہر کے عقدِ نکاح میں آنا چاہے اور پہلا شوہر بھی اسے رکھنے پر رضا مند ہو تو نئے مہر کے تحقق کے ساتھ گواہوں کی موجودگی میں دوبارہ عقدِ نکاح کر کے باہم میاں بیوی کی حیثیت سے زندگی بسر کر سکتے ہیں ، تاہم حلالہ اس شرط کے ساتھ کرنا کہ زوجِ ثانی ہمبستری کے بعد بیوی کو طلاق دیگا ، تاکہ زوجِ اول دوبارہ اسکے ساتھ عقدِ نکاح کرے ، یہ مکروہِ تحریمی ہے اور اس پر حدیث میں وعیدیں وارد ہوئی ہیں، لہذا ایسے حلالہ سے احتراز لازم ہے، البتہ بلا شرط ایسا کر نا بلا شبہ جائز اور درست ہے ۔

مأخَذُ الفَتوی

كما قال الله تعالى : فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ الخ ( سورة البقرة ، الآية : ۲۳۰)
و في صحيح البخاري : عن عائشة رضي الله عنها جاءت امرأة رفاعة القرظي النبي صلى الله عليه وسلم فقالت كنت عند رفاعة فطلقني فأبت طلاقي فتزوجت عبد الرحمن بن الزبير إنما معه مثل هدبة الثوب فقال أتريدين أن ترجعي إلى رفاعة لا حتى تذوقي عسيلته ويذوق عسيلتك الخ ( باب شهادة المختبي ، ج ۲، ص ۱۲4۳، رقم : ٢٦٣٩ ، ط : البشرى )-
و في بدائع الصنائع : و أما الطلقات الثلاث فحكمها الأصلي هو زوال الملك، وزوال حل المحلية أيضا حتى لا يجوز له نكاحها قبل التزوج بزوج آخر لقوله عز وجل فإن طلقها فلا تحل له من بعد حتى تنكح زوجا غيره ، وسواء طلقها ثلاثا متفرقا أو جملة واحدة الخ ( فصل وأما حكم البائن ، ج 3 ، ص187، ط : سعيد )
وفي الفتاوى الهندية : الفصل الخامس في الكنايات) لا يقع بها الطلاق إلا بالنية أو بدلالة حال كذا في الجوهرة النيرة. ثم الكنايات ثلاثة أقسام (ما يصلح جوابا لا غير أمرك بيدك، اختاري، اعتدي وما يصلح جوابا وردا لا غير اخرجي اذهبي اعزبي قومي تقنعي استتري تخمري وما يصلح جوابا وشتما خلية برية بتة بتلة بائن حرام ( الفصل الخامس في الكنايات في الطلاق ، ج ۱، ص ٣٧٤ ، ط : دار الفكر، بيروت)-
وفي الدر المختار : الكنايات (لا تطلق بها) قضاء (إلا بنية أو دلالة الحال) وهي حالة مذاكرة الطلاق أو الغضب ( كتاب الطلاق، ج ۳، ص ٢٩٦، ط : سعيد) –
وفي رد المحتار : تحت ( قوله على المشهور) وفي حواشي الخير الرملي قال في مشتمل الأحكام : والبائن لا يلحق البائن يعني البائن اللفظي، أما البائن المعنوي ‌يلحق ‌اللفظي ‌مثل ‌الثلاث من المبسوط . اهـ ( ‌‌باب الكنايات، ج 3، ص 308، ط : سعيد)-