کسی بزرگ کی قبر کے پاس پانی وغیرہ رکھنا

سر میری عرض ہے کہ کسی بزرگ ہستی کی قبر پر یہ سوچ کر پانی کی بوتل وغیر ہ رکھنا کہ اللہ والا ہے، اللہ والے ذکر میں مشغول رہتے ہیں قبر میں بھی، تو یہ دعا کے طور پر مجھے اس میں ذکر وغیرہ پھونک کر دیں گے جس سے نیت یہ ہے کہ اس میں اللہ پاک شفاء عطا فرمائے گا، سر کیا یہ کرنا جائز ہے ؟ اس کی حقیقت بھی بتائیں اور یہ بھی بتائیں کہ کیا ایسا کرنا شرک یا خلافِ شریعت تو نہیں؟

الجوابُ حامِدا ًو مُصلیِّا ً

کسی بزرگ شخص کی قبر کے پاس اس نیت سے پانی وغیرہ رکھنا کہ وہ بزرگ شخص اس میں پڑھ کر دم کر دے گا غلط نظریہ ہے، بزرگوں کے فوت ہونے کے بعد اس طرح دم کرنا وغیرہ ثابت بھی نہیں، اسے اگرچہ حقیقی شرک نہیں کہا جا سکتا،تاہم ایسا کرنا جہالت اور بد اعتقادی پر مبنی غیر شرعی عمل ضرور ہے، جس سے بہر صورت احتراز لازم ہے۔

مأخَذُ الفَتوی

کما فى مشكاة المصابيح : عن جابر قال: قال رسول الله صلى الله عليه وسلم: «أما بعد فإن خير الحديث كتاب الله وخير الهدي هدي محمد وشر الأمور محدثاتها وكل بدعة ضلالة(1/51) ۔
وفيه ايضا: عن عائشة قالت: قال رسول الله صلى الله عليه وسلم: «من أحدث في أمرنا هذا ما ليس منه فهو رد (51/1) ۔
وفيه ايضا: عن عطاء بن أبي رباح قال : بلغني أن رسول الله صلى الله عليه وسلم قال: من قرأ (يس) في صدر النهار قضيت حوائجه (668/1) ۔